ГРАМОТЫ ВЕЛИКИХЪ КНЯЗЕЙ ЛИТОВСКИХЪ съ 1390 по 1569 годъ собранныя и изданныя подъ редакціею Владиміра Антоновича и Константина Козловскаго.

Козловский Константин

(М. П.)

Сообщено В. Антоновичемъ.

11.

Грамота великаго князя Александра земянину Федору Блищановичу на земли — Телошовщизну и Царевщину, находящіяся въ Овручскомъ повЂтЂ. 1498 года, октября 13, Подтвержденіе этой грамоты Сигизмундомъ III, 1601 года, февраля 27 дня.

Roku tysiac sedmset trzydziestego sz'ostego, miesieca decembris trzynastego dnia.

Na urzedzie grodskim, w miescie iego krolewskoy mosci Zitommirzu, przede mna, Wawrzy'ncem Walewskim — Lewkowskim, namiesnikiem protunc /22/ podwoiew'odztwa y vices regentem gredzkim generalu wojewodztwa Kijowskiego, y xiegami nineyszemi, grodskimi, Kijowskimi comparens personaliter wielmozny jegomos'c, xiadz Andrzey Bieniecki, archymandrita Owrucki, official metropolyi Kijovskiey, extrakt z xiag metryki koronnej authentice wydany, z wpisaniem w nim potwierdzenia Werowszczycom ziemi Teleszowszyzny y Carowszczyzny sluzacego, ratione introcontentorurn, dla wpisania do xiag ninieyszych podal, de tenore tali. Augustus tertius, Dei gratia rex Poloniae, magnus dux Lituaniae, Russiae, Prussiae, Mazoviae, Samogitiae, Kijowiae, Wolyniae, Podoliae, Podlasiae, Livoniae, Smolensciae, Severiae, Czernichoviaeque, nec non hereditarius, dux Saxoniae princeps et elector. Significamus presentibus literis nostris, quorum interest universis et singulis, reperiri in actis metrices regni privilegium confirmationis, ruthenico charactere scriptum, tenoris sequentis. Жигмунд третій ознаймуемъ etc. Билъ намъ чоломъ земенынъ земли Кіевской, Иванъ Степановичъ Веровчичъ самъ отъ себе и именемъ отца своего, Степана Веровчица, отчицовъ и державецъ добръ Телешовчизны и Царовщизны, и покладалъ передъ нами лыстъ светоблывои памяты короля его мылости Александра, продка нашого, зъ печатыю его королевской милости, которымъ король, его милость, Федорови Блищановичови, зъ братіею его, земли — Телешовщизну и Царевщизну предкомъ ихъ потвердыты рачилъ, по которыхъ оны, будучи у спокойномъ держанью, уживанью, просылы насъ черезъ некоторыхъ пановъ радъ и урадныковъ нашихъ, абы есмо оны, до ведомости нашой господарской припустывши, лыстомъ нашимъ потвердылы, который такъ ся въ себе маетъ: »Самъ Александеръ, Божою милостью, великий князь Литовскій, Русскій, Жмудскій и инныхъ. Былъ намъ чоломъ земенынъ Вруцкий, на имя едоръ Блыщановичъ, зъ братіею своею и покладалъ передъ нами лыстъ отца нашого, короля его милости, штожъ панъ Мартынъ Гаштолтовичъ пооднымалъ былъ у ныхъ земли отчизные, на ймя — Телешовщизну и Царевщизну, и отецъ нашъ, король его милость, казалъ имъ тые земли ихъ зася пооддаваты и на то передъ намы лыстъ отца нашего, короля его мылости, показовалы и тежъ пана Мартына Гаштолтовича, и били намъ чоломъ, абыхмо имъ тые земли ихъ отчизные и дворища, которые маютъ въ Овруцкомъ месте, потвердылы сымъ нашимъ лыстомъ; ино мы имъ тые земли ихъ отчизные и дворища подтверждаемъ нинейшимъ лыстомъ, нехай оны тые земли свои держатъ со всимъ тымъ, як ся тыи земли и дворища во всемъ маютъ, а намъ службу земскую служатъ конно, збройно, /23/ посполу зъ иншими земями вруцкими. Пысанъ въ Мозыри, октоврія трынадцятого дня, индыкта первого; у того лысту печать притыснена. A так мы,

государь, выдечи прозбу и чоломбитіе его слушное, ведлугъ права посполитого и привилею, обывателемъ князства Кіевского на унію данного, повинное и на чоломбитіе ихъ, людей украинныхъ, небезпеченствомъ отъ Москвы и татаръ притеклыхъ (sic) чинечи, преречонныхъ земянъ нашихъ, Веровчицовъ, и потомковъ ихъ при тыхъ добрахъ — Телешовщизни и Царовщизни, также при всехъ и вшелякихъ, здавна и теперъ въ собе маючихъ, належностяхъ и пожиткахъ, въ границахъ и межахъ старожитныхъ, на особлывыхъ листехъ передъ нами показованныхъ, заставивши и заховуючи вверху писаный лыстъ предка нашого во всихъ его члонкахъ и артыкулехъ Веровчицомъ и ихъ потомкомъ тыле, иле намъ того право посполитое позволяетъ, з владзы нашой королевской — потвержаемъ и умоцняемъ симъ лыстомъ нашимъ, который, для большой виры и твердости, рукою нашою подписавши, печать коронную къ нему есмо приложиты росказалы. Пысанъ в ВаршавЂ, на сеймЂ валномъ коронномъ, року отъ нароженія Сына Божого тысяча шессотъ первого, месяца февраля двадцять семого дня, а кролевствъ нашихъ: польского чотырнадцятого, а шведского осмого року, Sigismundus Rex; Zachariasz Jelowicki. Quod ejusmodi confirmatum privilegium, ruthenico charactere scriptum, prout in aetis metrices regni continetur, nos fideliter describi et parti postulanti ruthentice extradi permisimus; in quorum fidem presentibus sigillum regni est appressum. Actum Varsaviae, feria secunda in vigilia festi sanctorum omnium, die scilicet trigesima prima mensis octobris, anno Domini millesimo septingentesimo trigesimo quinto, regni vero nostri anno tertio. U tego extractu, z xiag metryki koronney authentice, wydanego przy pieczeci przyci'snioney podpis reki ja'snie wielmoznego podcanclerzego taki: Ioannes in Lipe Lipski, episcopus Cracoviensis, dux Severine, procancellarius regni. (Locus sigilli). Z drugiey za's strony pieczeci przypisek w te slowa: relalia illustrissimi, excelentissimi et reverendissimi domini, domini Ioanis in Lipe Lipski, episcopi Cracoviensis, lucis Severiae, procancellarii regni. Potwierdzenie za's tak sie w sobie ma: ex actis anni millesimi sexagentesimi primi potwierdzenie Werowczycom ziemie Teleszowszczyzny y Carowszczyzny. Kt'ory ze to extrakt, za podaniem y prosba wyz mianowaney osoby podawaiacey, a za moim urzedowym przyieciem, slowo w slowo, iak sie w sobie ma, do xiag ninieyszych iest ingrossowany.

Книга Кіевская, гродская, 1736, № 47, листъ 308. /24/

12.

Грамоты великихъ князей: Александра 1499 года, марта 24 дня, Сигизмунда I и Сигизмунда II, а равно и другихъ лицъ, Кіевскому Михайловскому Златоверхому монастырю, на имЂнія.

Roku tysiac siedmset trzydziestego szostego, miesiaca decembris trzynastego dnia.

Na urzedzie grodskim, w mie'scie iego krolewskiej mosci Zytomizu, przedemna, Wawrzy'ncem Lewkowskim, namiestnikiem protunc grodskim y xiegami ninieyszemi, grodskimi, Kijowskimi comparens personaliter W jego mos'c xiadz Andrzey Bieniecki, archimandryta Owrucki, official metropoliy kiowskiey, extrakt z xiag metriki koronnej, authentice wydany, z wpisaniem w im konfirmacyi prawa monasterowi swietego Michala Kiowskiemu sluzacey, ratione introcontentorum, dla wpisana do xiag ninieyszych per oblatam podal, de tenore tali: Augustus tertius, Dei gratia rex Poloniae, magnus dux Lithuaniae, Russiae, Prussiae, Masoviae, Samogitiae, Kioviae, Volhyniae, Podoliae, Livoniae, Smolensciae, Severiae, Czerniechoviaeque, nec non haereditarius dux Saxoniae et princeps elector. Significamus presentibus literis nostris, quorum interest, universis et singulis, reperiri in actis metrices regni previlegium confirmationis, ruthenico charactere scriptum, tenoris sequentis: Жикгимонтъ Августъ etc. Ознаймуемъ симъ нашимъ листомъ всимъ посполите и каждому зъ особна, нинешнымъ и на потомъ будучимъ, кому колвекъ будеть потреба то ведати. Присылалъ до насъ игуменъ Захаріа монастыра святого Мыхайла золотоверхого, зъ Кіева, зо всею братіею, чернцами тамошними, и покладали передъ нами лыстовъ розныхъ паперовыхъ трынадцатъ, а четвертыйнадцатья паргаменовый, даныны й потверженый продковъ нашихъ: листы никоторыхъ особъ записанные купчые земенные на селища, земли, кгрунты, поля, селы, пущы, дерево бортне, реки, озера, ловы всякые, сеножаты и иные пожытки, к тому монастеру належачие, чого они и теперъ въ спокойномъ держаню суть; которые ижъ ся отъ старосты подралы и обавьяючися оныи, абы и до конца не попсовалыся, што хотечи моцно обвароваты и въ целосты по себЂ на потомные вечные часы церкви Божои заховаты, звлаща ижъ часовъ недавнихъ земля Киевская черезъ насъ ку коруне полской привержена /25/ естъ; для того били намъ чоломъ, абы-смо уси оные листы и права ихъ при моцы зоставилы и, у потверженье наше приведши, тымъ на вечность утвердили и дали имъ на то за печатю коронною нашъ лыстъ ино мы, тых лыстовъ оглядавши, а для широкости пысма ихъ слово отъ слова въ потверженье наше не вкладаючи, велели есмо порадне а вкротце усю речъ, што ся въ ныхъ замыкаетъ, въ семъ нашомъ лысте выписаты, которое то въ собе маютъ: Першій лыстъ короля его мылосты Александра, стрыя нашого, подъ датою мисяця марта двадцять четвертого дня, индыкта второго, пысаный до воеводы Кіевского, князя Дмитрія Путятыча, которымъ его мылость, — за чоломъ-быемъ игумена Іоана светого Мыхайла Золотоверхаго въ Кіеве, ведле суда того воеводы кіевского, маршалка своего, наместныка вытебского, пана Станислава Глебовича, который онъ зъ двореныномъ его мылосты Михайломъ Галыномъ передъ намы мелъ, — островъ церковный на нызъ Днепра и реку Ржавець къ тому манастырю надаты и потвердыты рачылъ, же въ то всьо ныхто уступоваты не маетъ. Другый листъ короля его милости Жигмунта, славнои памьяти отца нашого, справы Коптя писара изъ его милостю за чоломъ-бытыемъ того-жъ пререченого игумена, — к тому монастыру Золотоверхому, ведле лысту и потверженья короля Александра, оный же островъ на нызъ Днепра и рику Ржавець потверждаты рачилъ; писаный под датою місяца іюня четвертого-надцять дня. Третій лыстъ короля Жикгимонта, подъ датою четвертого-надцять дня марца, индыкта десятого: тымъ лыстомъ его мылость, за чоломъ-бытіемъ игумена Макарія и всихъ чернцовъ монастыря святого Михайла Золотоверхого, ведле данины воеводы Кіевского, пана Андрея Немировича, — заломъ пустый у Черторыи на верхнемъ конце со сеножатю — по жерело Лысянкое и по Городовое озера, а по речку Радунку и по Чорторыю, а отъ жерела Лисянкого на левую сторону ку Днепру, — того всего на две стрелены, ку той церкви Божой игумену Макару и на потомъ-будучимъ игуменомъ зоставуючи, потвердылъ той лыстъ, зъ подписомъ руки его милосты королевской. Справа Коптія пысаря. Четвертый лыстъ воеводы Кіевского Андрея Немировича зъ датою novembra трыдцятого дня, индыкта четвертого; где пишетъ, ижъ, — за прозбою игумена святого Мыхайла Золотоверхого Макарія, выдячи быти безъ шкоды господарское и замковое, и для богомолія господарского Жикгимунда короля и для убожства тоей церквы, абы хвала Божая не уставала, — придалъ къ тому манастырю селищо пустое, на имя Селимонов-/26/щизна, въ Товстомъ Лиси, зо всимъ съ тымъ, што къ той пустовщизне прислухаетъ и якося зъ которымы даходы здавна въ собе маетъ, съ которое хоживало на Кіевъ по две кади меду. Пьятый лыстъ короля Жикгимунда: потверженіе на тую пустовщизну Селымоновщизну, водле даты вышей-мененое небощика Немировича за причиную егожъ, — ижъ въ тое селищо воеводамъ Кіевскимъ и никому уступоватыся не надобе. Дата февраля двадцять третяго, индыкта четвертого, при бытности подскарбього земского пана Аврама Езуфтовича, старосты жмудского, справы Коптя писара. Шостый лыстъ короля Жигмунта, пысаный до воеводы кіевского Немировича и на потомъ будучихъ воеводъ кіевскихъ: ижъ его мылость, зъ ласкы своеи, — за причиною тогожъ Немировича, а за прозбою игумена манастыра Злотоверхого Макарія, — рачилъ даты къ той церкви Божой поле городовое за валомъ пробытымъ, ижъ тотъ игуменъ и напотомъ будучіе маютъ тое поле держаты, а воеводы тамошніе не маютъ ся въ то уступаты. Дата, лита Божого нароженья, тысяча пятъсотъ двадцать второго, индыкта десятого; у того лысту подпись руки господарское, справа воеводы Выленского, канцлера, старосты Белицкого и Мозырского, пана Олбрахта Мартыновича Гаштолда. Копоть пысаръ. Семый лыстъ помененогожъ воеводы Кіевского Немировича, подъ датою ноября тридцятого дня, въ которомъ пишетъ: ижъ што которую ниву, вышей-мененое поле за пробитымъ валомъ, — по правой стороне дорогы подле самого валу и до Кудрявца, у верхъ Кудрявцовъ до долины Глубокой, а отъ Глубокой долины просто до Софійской долины, што идетъ одъ Лыбеди Софейскою долыною у верхъ самого валу, — король, его милость, Жикгимонтъ, къ манастыру святого Михайла Злотоверхого даты рачилъ; ино онъ, за росказаніемъ господарскимъ, овой даты, игумена и всихъ церковъ въ то увезаль и къ манастыру подалъ. Осмый лыстъ короля Жикгмунда на паргамыни зъ завесистою печатію великого князства Литовскаго, пысаный подъ датою, въ лЂто семое тысяча двадцать четвертого, місяца марца тридцать первого дня, индыкта четвертого, при бытности старосты Берестейского, Лыдзского и Мозырского, пана Юрія Илинича, а подскарбего земского, старосты Ковенского, пана Аврама Езуфовича; справа Гринка Громыкы, которымъ его милость, зъ ласки своей, за (прозбою?) пановъ радъ, за чоломъ-бытіемъ толмача своего татарского, Макара Івашковича, орменина кіевского, и за его верные службы, которые онъ часто-кратъ, въ потребахъ господарскихъ и земскихъ до орды Ђздячи, зъ себе по-/27/казывалъ, водле лысту и даты воеводы Кіевского Андрея Немировича в волости Белосороцкой, — селища Лысковщизны и землицу пагорную, — зъ пашеными землями, зъ сеножатмы, зъ лесы, зъ бортною землею, зъ озеры, зъ реками, зъ Ђжи, зь ловы зверинными и пташими, и зовсимъ, што къ тому з стародавна прислухало, вызволивши одъ подводъ и одъ всихъ тяглыхъ повинностей, што зъ того селища и землици бывало, — на вечность оному толмачу самому, жоне и ихъ дЂтемъ, и на потомъ будучимъ щадкамъ, подтвердылъ и при томъ зоставылъ. Девьятый лыстъ, на Александрійскомь папери пысаный, тогожъ короля Жикгмунта, подъ датою лита Божого нароженья тысяча пятсотъ сорокъ третього, мисяца декабря осмого дня, индыкта первого, при бытности старосты луцкого, маршалка господарского, князя Андрея Михайловича Коширского; справа Мыхайла писаря, где сведчитъ: ижъ две службы людей на Припети увъ Ореючахъ, на имя Лысковщизну и Погонную, то естъ выше-мененое селищо и землицю у волости Сороцкой, игуменъ светого Михайла Золотоверхого, небощикъ Макарія, купилъ за сто копъ грошей литовскои монеты у толмача помененного, Макара Орменина, на штожъ оный Макаръ привилей верху-опысаный, за которымъ то самъ держалъ, и лысты свои продажные къ церкви Божой подалъ; то-пакъ за живота своего воевода Кіевскый Немиричъ тотъ привилей до себе взялъ, а по смерти его панъ Станыславъ Довойно черезъ рукы неякого Тронца орменина Макаровой то отдалъ, за которымъ она, черезъ продажу мужа своего, о тые ся д†службе людей упоминала, ино, на он-часъ будучи игуменъ манастыря Злотоверхого Гарасимъ, лысты купчие Макара орменына, ижъ на вечность тые люды церкви Божой продалъ, передъ справою воеводы Кіевского, преречонымъ княземъ Андреемъ Коширскимъ, и передъ иншими людьми добрыми, земяны кіевскими, покладалъ; а потомъ, кгды оный, игуменъ Герасимъ змерлъ, токгды князь Коширскій оный манастыръ неякому Подопрысвету далъ, который черезъ полъ року мешкавши, зъ манастыра прочъ утеклъ, тые лысты купчіе на оные люды и на нывы церковные въ Кіеве за валомъ и у валу зъ собою побралъ, або нетъ-видома, где подевалъ, и великие шкоды починылъ, — што все князь Коширскій, зъ земянами своимы вызнаваючи, на то лыстъ свой церкви Божой далъ, подъ датою лита Божого нароженія, тысяча пятсотъ сорокъ второго мисяца іюля семого дня, индыкта первого, который зъ росказанья его кролевской мылости, за чоломъ-бытіемъ игумена Филарета и всихъ /28/ чернцовъ оного манастыря Золотоверхого, въ томъ лысте его милости одъ слова до слова вписанъ естъ. Въ томъ лысти своемъ князь Коширскій, широко выписуючи то усе, яко вышей поменено, сознаваетъ, ижъ оные листы зъ земяны Кіевскими не разъ видаль, але потомъ яко Подоприсветъ зъ манастыра утеклъ, знайты ихъ у схованни церковномъ не могли; ино король Жикмунтъ, на томъ переставаючи, водле сознання князя Коширского и земянъ Кіевскихъ, обачачи, же тые листы купчие на люди отъ Ормянина и на нывы церковные за валомъ и у валу были, а черезъ того игумена затрачены, што, ижъ передъ тымъ и на тотъ часъ ку церкви Божой держано было, водле давного держання при оныхъ людяхъ на Припети и нывахъ помененыхъ у Кіеве игумена и чернцовъ святого Михаила Злотоверхого зоставилъ, ижъ мають оны то къ тому манастырю держати и

уживати водле того, яко и первей то держали. Десятый лыстъ вызнаный Семена Александровича Кмыты, который вызнаваетъ: ижъ онъ мЂлъ землю свою въ повете кіевскомъ подъ Овручомъ, на имя Голубцевичи, посполите въ судереви по половыци зъ землею манастыря святого Михайла Золотоверхого, и другую землю подъ Чорнобилемъ въ Товстомъ Лиси, на имя Жолоктавскую, обрубную, также въ судереви, по половицю зъ землею манастырскою селища Селивановского; а такъ игуменъ Семеонъ зо всимы чернцями того манастыря Золотоверхого и церкви, видячи, ижъ тая земла Жолоктаевская къ земли ихъ къ селищу Селивоновскому и ку иншимъ именямъ манастырскимъ прилегла, а земля ихъ манастырская Голубеевиче, которую онъ по половице даржалъ, ему прилегла, — за ведомостію и листомъ дожительнымъ (sic) воеводы Кіевского, маршалка земли волынской, старосты володимірского, князя Константина Константиновыча Острожсского, — бачачи безъ шкоды церковной, намовившися, мену межи собою учынилы: а тую землю манастырскую Голубевичи половыну свою, яко ся тая земля зъ давныхъ часовъ въ собе маетъ, зъ двемя чоловики на той земли, на имя — Хомою а Ильею, зъ даню ихъ грошовою и медовою, што даваты повынны, — то есть грошей готовыхъ сорокъ а меду полторы кади, — и зо всемы ыншими пожытки и доходы, ему самому и потомству его зодного (sic) тамъ пустыты, держаты, уживаты вечными часы поступылы, лыстомъ своимъ запысалы; а онъ тежъ имъ на протывко того въ Толстомъ Леси тую землю свою Залоктоевскую, што есть там зъ землею ихъ манастырскою посполъ, зъ двома чоловики на имя — зъ Яковомъ Рудкевичомъ, а Логовиномъ, зъ даню /29/ медовою и грошовою, которую оны повынни даваты — то есть-грошей готовыхъ дви копы, а две кади меду присного кіевской меры — и зо всякими иншими пожыткы и доходы, зъ того села приходячимы, также вотмене съ одного местья, держаты, ужываты вечнымы часы непорушно къ манастыру пустылъ и тымъ лыстомъ своимъ умоцнылъ, описуючися самъ зъ потомствомъ своимъ и хтобы потомъ тую землю Голубейцускую, одъ манастыра замененную, держалъ, еслыбы блызкіе кревные его и хто жъ колвекъ въ той заменъ его земли Золоктаевской церкви Божой переказу чынылъ, або того поискивалъ, — ижъ маютъ то очищаты, яко власность свою у каждого права. Якожъ Семенъ Кмыта игумену и чернцомъ того манастыра далъ тотъ свой лыстъ за своею печатію и за печатмы людей добрыхъ и тую дей оны замену на уради нашомъ воеводства кіевскаго, передъ воеводою кіевскимъ, княземъ Константыномъ Острожскимъ, оповедалы и до книгъ запысалы, дата у того лысту лита Божого нароженія тысяча пятсотъ шесдесятъ первого, мисяца февраля первого дня. Одинадцатый лыстъ того-то воеводы кіевского, князя Константына Острожскаго, которымъ, видячи быти безъ шкоды церковной, дозволылъ игумену и чернцомъ светого Мыхаила Золотоверхого вышей-мененую замену зъ Семеномъ Кмытою учиныты; дата лита Божого нароженія тысяча пятсотъ шестдесятъ первого, мисяца сентембра двадцятъ четвертого дня. Вторыйнадцять лыстъ вызнаны Семена Гринкевича, земянына повету кіевского, подъ датою лета Божого нароженія тысяча пятсотъ шесдесятъ первого, мисяца декабря третего дня, за печатію его и за печатмы людей добрыхъ, который зъ жоною своею, Зофіею Петровною Грабіянкою, вызнаваетъ: ижъ продалъ обель (sic) власное селыщо свое, добре набытое,

на имя Глывайкое, въ кіевскомъ повете грунтомъ лежачее, прозверху реки Бобрицы и другой речки Отеневки, ку манастыру светого Мыхайла Золотоверхого — игумену Семіону и всимъ старцемъ тамошнимъ эа певную суму пинязей — за тридцятъ копъ грошей лытовскихъ — зъ землямы пашными, бортными, зъ лесы, зъ дубровами, зъ данею медовою, грошовою, и зо всемы доходы и пожитки, ничого тамъ на себе не зоставуючи, яко ся то здавна въ собе маетъ, и яжо то онъ самъ и продкове его держалы; на вечные часы вырекаючися, — ижъ онъ самъ, его жона и диты и некоторые блызкіе ихъ тоей продажы его отъ манастыря отниматы и того вжо доходыты немогутъ и, если бы хтоколвекъ зъ ныхъ самыхъ и потомковъ ихъ, альбо хто зъ стороны, въ томъ селыщи и кгрунте его церкви Божей переказу /30/ чынылъ и тамъ што кгрунту его отыймовалъ, — таковый кождый заруки на господара пятдесятъ копъ грошей, а выны замковой на пана воеводу кіевского тридцятъ копъ грошей выненъ будетъ заплатыты; а особлыво обвязался Семенъ Гринкевичъ зъ жоною своею уси шкоды и наклады того манастыря въ томъ заступоваты и оное селыщо Глыванское, землы и пожыткы ихъ, своимъ накладомъ у кождого права очыщаты и къ тому манастыру поступоваты: бо дей ани для чого иншого, ани для браня сумы пинязей вышей мененное, тое селыщо Глыванское съ манастыру пустылы, одно — для богомолія своего и родителей своихъ вечыстого; гдыжъ тое селыщо и ку грунтомъ монастырскимъ притекло, а ижъ-ды оны лыстовъ и твердостей на тое селыщо Глыванское къ церкви Божой не далы, то для тыхъ причинъ, же зъ иншими землями именій ихъ оное селыщо Глыванское естъ опысано. Третійнадцать лыстъ. Выпысъ зъ книгъ замку кіевского, лета Божого нароженія тысяча пятсотъ шесдесятъ третяго, мисяца декабра двадцятъ осмого дня, за печатю справы, на онъ чась воеводы кіевского, старосты кремянецкого, княжя Мыколая Андреевича Збаражского: оповеданье и вызнанье на томъ уряде кіевскомъ помененного Семена Гринкевича, о проданье селыща въ верху опысанного Глывацкого съ манастыру, въ которомъ упысы и тотъ лыстъ его продажный ввесь упысанъ естъ. Четвертыйнадцать лыстъ Богдана Степановича Дублянского, за печатю его и за печатмы людей добрыхъ, пысаный подъ датою лета Божого нароженія тысяча пятсотъ пьяддесятъ семого, мисяца ноября третягонадцять дня, которымъ посполу зъ сестрою своею Федею Золотушанною, вызнаваютъ: ижъ оны землю свою отчизную и дедызную, на имя Юревскую на Вилы речце, обаполъ речки обоимъ сторонамъ, продалы Семену Мелешковичу, мещаныну Кіевскому, самому, жоне и ихъ потомкамъ, за пьятдесятъ копъ грошей, обель вечно и николы непорушно, — землю пашную, бортную, и сеножаты зъ дубровами, и пашнями, и съ припаши, полями, бобровыми гоны, ловы зверинными и пташими, и зо всими иншими входы и пожитки, здавна къ тому прислухаючими, ничого на себЂ и на близкихъ своихъ не зоставуючи; але оддаваючи и даючи вольность — оддаты, продаты, на церковъ запысаты и тымъ, яко власностію своею, шафоваты. A где бы оны сами, албо хто зъ близкихъ ихъ хотелъ Семена Мелешкевича зъ тоеи земли рушаты, на такового положылы выну платыты: на замокъ Кіевскій сто копъ грошей, а воеводЂ Кіевскому пьятдесятъ копъ грошей, а Семену Мелешковичу /31/ грошъ грошомъ навезаты; тоежъ тые земли подъ нымъ искати. Ино повидылы передъ нами игуменъ Захарія и уси чернцы святого Мыхайла Золотоверхого: ижъ тую Юревщизну Семенъ Гришковичъ, отъ Богдана Дублянского купленную, по животе своемъ на милосердный учинокъ ку церкви Божой, святому Мыхайлу Золотоверхому, правомъ своимъ записалъ, у вечность пустывши; лыстъ свой запысный и тотъ лыстъ продажный Дублянского и сестры его, вышей въ семъ нашомъ лысте опысаный, ку церкви Божой подалъ; то пакъ-дей, приходомъ часу небезпечного, яко то на Украйне частокротъ бываетъ, записъ власный Грынковичовъ на Юревцы згинуть, — ведже оны, за лыстом продажнымъ Семена Гринковича, и теперъ того въ спокойномъ держанью и уживанью суть, — для того особливе былы оны намъ чоломъ, абы есмо и тую землю Юревскую въ потверженье нами привелы и то имъ на вечность утвердылы. A так мы, Жигмунтъ Августъ, король передъ-речоный, вси оные лысты, передъ нами отъ игумена Захаріи и всихъ чернцовъ манастыра светого Михаила Золотоверхого покладыные и выше въ семъ нашомъ лысти выпысаные, за которыми ижъ оны — людей, селыщъ, земль, грунтовъ, поль, лесовъ, пущъ, дерева бортного, сеножатей, рекъ, озеръ, всякихъ лововъ и инныхъ всихъ пожитковъ и доходовъ, къ тому манастыру належачихъ, яко здавна так и на сей часъ въ спокойномъ держанью и уживанью, кромъ всякого прынагабання — суть, — за слушные прынявши, а чынячи то для церкви Божой, при моцы, ничымъ не нарушаючи, заховуемъ, и то на вси потомніе вечные часы утверждаемъ и при манастыри святого Михайла Золотоверхого Кіевского зоставили есмо и сымъ лыстомъ нашимъ зоставуемъ и умоцняемъ: маетъ игуменъ теперешній и напотомъ будучіе игумены тамошные, со всею братіею чернцами, вси тіе лугы, селыща, земли, кгрунты, воды — а меновите и землю Юревскую, отъ Семена Гринковича на тотъ манастыръ записанную — и уси пожыткы вышей-опысаные, водле оныхъ лыстовъ старыхъ, за симъ теперешнимъ лыстомъ потверженымъ нашимъ, къ тому манастыру Михайловскому Золотоверхому держаты и уживаты, слушне и пристойне въ томъ манастыри справоваты, на церковъ Божую накладаты и пожыткы привлащаты, розмножаючи межу христіяны и хвалу Божую; за насъ, господара, короля польскаго, Бога просыты повынны будуть, а воеводове Кіевскіе и нихто инный въ речи тые — до чого, водле стародавного звычаю, ничого не мевалы — инколы ся уступоваты и переказы жадной въ томъ манастири чыныты не маютъ вечно и николы /32/ ничимъ непорушно. И на то-есмы далы церкви Божой, манастыру святого Михайла Злотоверхого, игумену Захаріи и чернцомъ тамошнимъ сей нашъ лыстъ, до которого на твердость той речи и печать нашу короны польской привеситы есмо велелы. Пысанъ въ Варшави, дня четвертого мисяца іюня, року тысяча пятсотъ седмдесятого, панованья нашого року сорокъ первого. Подпись руки его королевской мылосты. Quod ejusmodi confirmatum privilegium, prout in actis metrices regni continetur, nos fideliter ex rutenico charactere polono idiomate describi et parti postulanti authentice extradi permisimus; in quorum fidem presentibusque sigillum regni est appressum Actum Varsaviae, feria secunda in vigilia festi sanctorum omnium, die scilicet vigesima prima mensis Octobris, anno domini milesimo septingentesimo trigesimo quinto, regni vero nostri anno tertio. U tego extraktu, z xiag melryki koronej authentice wydanego, przy pieczeci mniejszey koronney przyci'snioney, podpis reki ja'snie wielmoznego podcanclerzego taki: Ioannes in Lipe Lipski, episcopus Cracoviensis, dux Severiae, procancelarius regni. (locus sigilli) Z drugiey za's strony pieczeci

przypisek w te slowa: relacio illustrissimi excellentissimi domini, domini Ioannis in Lipe Lipski, episcopi Cracoviensu, ducis Severiae, procancellarii regni; potym podpis reki secretarskiej temi slowy: Andreas Franciscus Cichocki, sacrae Regiae Majestatis secretarius, manu propria. Konfirmacia za's tak sie w sobie ma: ex actis anni millesimi quingentesimi septuagesimi confirmatio prawa na grunta manastyrovi 'swietego Michala w Kyiowie, ktory ze to extrakt, za podaniem y prosba wyzmianowaney osoby podawaiacey, a za moim urzedowym przyieciem, slowo w slowo, iak sie w sobie ma, do xiag ninieyszych iest ingrosowany.

Книга кіевская, гродская, № 47, листъ 263 на об.

13.

Грамота великаго князя Александра, Черкасскому земянину Гринку Васкевичу, на имЂнія Михліево, Орловичи и Линчинцы. 1499 года, апрЂля 12.

Alexander, Boza milo'scia Kr'ol Polski, Wielkie Xiaze Litewskie, Ruskie, xiaze Pruskie, Zmudskie i innych. /33/

Bil nam czolem ziemianim Czerkaski Hry'nko Wa'skiewicz i powiedzial przed nami, co pojal zasiebie zone ziemianina Zwinogrodzkiego, nieboszczyka Fedka Wa'skiewicza, i sieliszcza — otczyzna i wysluga tego Fedka, pierwszego meza, jemuz po niej dostaly sie, na imie: Mihlijewo, a Orlowiczy, Li'nczyncy; a tego tedy Fedka tatarowie ubili na naszej sluzbie, a na'sledk'ow gdy ku temu nikogo nie masz, i bil nam czolem, abychmy na to dali nasz list i, co kiedy s temy sieliszczami zonie tego Fedka . . . . . a na'sledkow ku temu zadnych nie bedzie . . . . . . . . . . . . . . . . . . . . . . . . . . . . . . . . . . . . . . . . . . . wszystkiem i tem, co ku nim zdawna przysluchalo. A nam z tego sluzbe ziemska sluzy. Pisan w Krakowie. Aprilia 12 dnia, indikt 6.

Сообщено В. Антоновичемъ.

14.

Грамота великаго князя Александра, Волынскому земянину Ивашку Лабунскому, на пустыя селища — Колыщинцы и Сахновцы, находящіяся въ Кременецкомъ повЂтЂ. 1501 года, декабря 21 дня.

Александрь, Божою милостію король Полский, великий князь Литовский, Руский, княжа Пруское, Жомоитстий и иныхъ.

Чинимъ знаменито симъ нашимъ листомъ, хто на него посмотритъ, або чтучи его услышитъ, нынЂшнимъ и на потомъ будучимъ, кому будетъ потреба того вЂдачи. Билъ намъ чоломъ земянинъ волынский Ивашко Лабунскій и повЂдилъ передъ нами: штожъ первей сего дали есмо ему два селища пустовскихъ у Кремянецкомъ повЂтЂ, на имя — Калыщинцовъ и Сахновцовъ, и листъ нашъ на первую данину на то передъ нами покладалъ; и былъ намъ чоломъ, абысмо ему тіи селища потвердили нашимъ листомъ на вечность. Ино мы, вбачившы его к намъ вЂрную, и пильную, и николы невмЂшканую службу, з ласки нашое тіи вышеписанныи селища въ повЂтЂ Кременецкомъ — Колыщинцовъ и Сахновцовъ, потвержаемъ симъ нашимъ листомъ вЂчно ему, и его жонЂ, и ихъ дЂтемъ, и на потомъ будучимъ ихъ щадкамъ, и ихъ ближнимъ: нехай они то держатъ — съ землями пашними и бортними, и з леси, и /34/ з дубровами, и з гаи, и з хворосты, и синожатми, и з болоты, и з бобровыми гоны, и з рЂками, и з рЂчками, и з ставы, и з ставищи, и з млыны, и з ихъ вымелками и со всими вжитки и пожитки, и со всимъ стымъ, што здавну к тимъ селищамъ слушало, и какъ з стародавна у своихъ границахъ ся маютъ; и вольни они то оддати, продати, замЂнити, к церкви Божой записати и расширити, прибавити и к своему лЂпшому и ужитечному обернуты, какъ наилепЂй сами розумЂючи. A на твердость того и печать нашу казали есмо привеситы к сему нашому листу. Писанъ въ ЛюблинЂ, въ лЂто тысяча пятсотъ первое, мЂсяца декабря двадцать первый день.

Сообщено В. Антоновичемъ.

15.

Вторичная подтвердительная грамота великаго князя Александра, земянину Волынскому Ивашку Лабунскому, на имЂнія — Колыщинцы и Сахновцы, находящіяся въ Кременецкомъ повЂтЂ. 1503 года, января 24 д.

Александръ, Божою милостью король Полскій, великій князь Литовский, Руский, княжа Пруское, Жомоитский и иныхъ.

Чинимъ знаменито симъ нашимъ листомъ, хто на него посмотритъ, або чтучи его услышитъ, нынЂшнимъ и напотомъ будучимъ, кому будетъ потреба того ведати. Билъ намъ чоломъ земянинъ волынскій Ивашко Лабунскій и повЂдилъ передъ нами: штожъ первой сего дали есмо два селища пустовскихъ въ Кременецкомъ повЂте, на имя — Колыщинцовъ и Сахновцовъ, и листъ нашъ первую данину на то передъ нами покладалъ; и билъ намъ челомъ, абысмо ему тыи селища потвердили нашимъ листомъ на вЂчность. Ино мы, вбачивши его к намъ вЂрную и пильную и николи не вмЂшканную службу, з ласки нашое, тыи вышеписаныи селища въ повЂтЂ Кременицкомъ — Колыщинцовъ и Сахновцовъ, потвержаемъ симъ нашимъ листомъ вЂчно ему, и его жонЂ, и ихъ дЂтемъ, и на потомъ будучимъ ихъ щадкомъ, и ихъ ближнимъ: нехай и они то держатъ — з землями пашными и бортными, и з лЂсы, и дубровами, и з гаи, и с хворосты, и с сЂножатми, и з болоты, и з бобровыми гоны, и з рЂками, и з рЂчками, з ставы, и з ставищи, и з /35/ млыны, и з ихъ вымелками, и со всЂми вжитки и пожитки, и со всимъ съ тымъ, што з давна къ тымъ селищамъ слушало, и какъ з стародавна въ своихъ границахъ ся маютъ; и вольни и они то отдати, продати, замЂнити, и к церкви Божией записати, и росширити, прибавити, и к своему лепшому и ужиточному обернути, какъ наилепЂй сами разумЂючи. A на твердость того и печать нашу казали есмо привЂсити к сему нашому листу. Писанъ въ ЛюблинЂ, въ лЂто тысяча пятсотъ третее, мЂсяца января въ двадцать четвертый день.

Сообщено В. Антоновичемъ.

16.

Грамота великаго князя Александра, Овручскому намЂстнику князю Григорію Борисовичу Глинскому, приказывающая ему возвратить Овручскому старцу Василію Михалкевичу, отнятую у него землю, называемую Кончаковскою. 1503 г. іюня 25 дня.

(Донесеніе вознаго о вводЂ имъ Михалкевича во владЂніе землею Кончаковскою 1503 г. августа 2 дня, значится подъ литерою b).

а) Року тысяча семъ сотъ семънадцатого, мЂсяца мая двадцатъ осмого дня.

На уряде кгродскомъ, въ замку его королевской милости Овруцкомъ, передо мною Михаломъ Сынъгаевъскимъ, коморникомъ кграничнымъ Кіевскимъ, наместникомъ кгродскимъ староства Овъруцъкого и книгами нинешъними, кгродскими, Овруцкими, comparens personaliter swobodny Matwey Michalkewicz-Zaliwaka, boiar Owrucki, dla wpisania do xiag ninieyszych, grodskich, Owruckich, original listu upominalnego — od naia'snieyszego, niegdy 'swietey pamieci, krola jego mosci Polskiego Alexandra, zeszlym antecesorom swoim y uczesnikom iego, do kniazia jego mosti Hrehorego Bocysowicza Hlinskego, namiesnika Owruckiego wydany, z pieczecia przycisniona — per oblatam podnl, proszac, aby przyiety y w xiegi wpisany byl. A tak ja, urzad, ten list do xiag przymuiac, czytalem, ktory ruskim pismem pisany tak sie w sobie ma: »Alexander Boza miloscia krol Polski, wielkie xiaze Litewskie, Ruskie, xiaze Pruskie, Zmudzkie y innych. Namiesniku Owruckemu, kniaziu Hrihoriu Borisowiczu Hlinskemu. Zalowal nam starec Owrucki, /36/ na jmie Wasil Michalkiewicz, co'smy perwey tego dali mu ziemie, oyczyzne iego, ktora derzal stryj iego, Konczakowska, a u tego stryia iego dzieci przyplodka nie masz, y ty, u niego te ziemie odiowszy, y dal innemu czloweku, y list u niego nasz odiol, kt'oryze'smy iemu na te ziemie dali. Przeto, iesli ta ziemia bedzie od niego odieta, co dzierzal stryj iego, przykazuiemy tobie, aby's temu czloweku nie kazal w te ziemie wstepowa'c y list aby's iemu nasz ten oddal koniecznie; niechay by on nynie te ziemie dzierzal, wedlug pierwszej naszei daniny, a nam z oney sluzbe sluzi; a uwaza'c go w te ziemie poslali'smy dworzanina naszego — Iwaszka Kryzyna. Pisan w Wilnie, junia dwudiestego piatego dnia, indykta sz'ostego. Locus sigilli«. Который же то листъ упоминалный, за поданемъ и прозбою вышъ-мянованое особы, а за моимъ урядовымъ принятемъ, слово въ слово, такъ яко се в собЂ маетъ, естъ уписаный.

Книга Овручская гродская, 1717 года, № 3324, стр. 93 на об.

b) Року тысеча семъ сотъ семънадцатого, мЂсяца мая двадцать осмого дня.

На уряде кгродскомъ, в замку его кролевской милости овруцкомъ, передо мною, Михаломъ Сынъгаевъскимъ, коморникомъ кграничнымъ, намесникомъ кгродскимъ староства овруцкого, и книгами нинешними, кгродскими, овруцкими, comparens personaliter swobodny Matwey Michalkewicz-Zaliwaka, boiar Owrucki, — dla wpisania do xiag nineyszych, grodzkich, Owruckich, original list uwiazczy na ziemie infra wyrazone, antecessorowi swemu, boiarowi owruckiemu, y uczesnikom swoim, boiarom Owruckim, sluzacy, z pieczecia przycisniona, — per oblatam podal, proszac, aby przyiety y w xiegi wpisany byl. A tak ja, urzad, ten list uwiazczy seu intromissia do xieg przymuiac, czytalem, kt'ory Ruskim pismem pisany tak sie w sobie ma: »Ja, Iwaszko Kryzyn, dworzanin hospodarski, czynie wiadomo na tym li'scie moiem, iz co z roskazania hospodara jego milosti, bedac ja poslany y przydany Wasilu Michalkewiczu, starcu wruckemu, na uwiezanie ziemi Konczakowskey; yno ja, podlug listu hospodarskego, uwiezalem tego Wasila w ziemie Konczakosko y w niwy y sianozeci pod miastem Owruczym y podle Wisiatek — po oboch stronach drogi Sieczynskey po kurhany Sieczynske, y kolo rzeczki Hruzki, y kolo rieczk Kamionki, Suderew z Hladkowoi, y kolo doliny Ziolony /37/ Lozy, y u dworzyszcze Michalkowske, — ze wszystkemi ich grunty, wedlug daniny hospodarskey, na wieczne czasy, a przy tym ze mna byli: pan Fedka Zmoka, a Semion Dyak, Luczyn syn; na co ja y list swoy uwiazczy temu Wasilu dal y piecze'c swoie do niego przycisnol. Pisan w Owruczym, augusta wtorego dnia, indicta szostego. Locus sigilli«. Который-же-то list увязъчий, за поданемъ и прозбою вышъ-мЂнованое особы подаваючое, а за моимъ урядовымъ принятемъ, слово въ слово, такъ яко ся в собе маетъ, до книгъ нинейшихъ естъ уписаный.