Изборник. Памятники литературы Древней Руси
Шрифт:
И рече же им Амир царь: «Братия моя милая! Отъдите вы прочь от шатра сего и измечите вы меж собою жребий, кому от вас со мною выиметца жребий битися; аще мя преодолете, то и сестру свою возмете; аще азъ вас преодолю, и мн годно вас всх посщы». Братаничи же отъхаша от шатра его и начаша метати жребия, и вергоша жребия впервыя, и выняся жребий меншему брату на брань хати. Братия жь въвергоша въ другой рядъ жребия, што не меншему хать битися противъ Амира царя, понеже силен есть; и в другой рядъ выняся жребий меншему жь брату битися. Они же вергоша жребий и въ третей рядъ: выняся меншему жь брату на брань хать битися со царемъ Амиром, занежь они съ сестрою из единыя матерни утробы въмсте шли и во един день рожения их.
И начаша братаничи меншово брата крутити; а гд стоятъ братаничи, и на томъ мсте аки солнце сияетъ, а гд Амира царя крутятъ, и тамъ нсть свта, аки тма темно. Братия же анггелскую пснь ко Богу возсылающе: «Владыко, не поддай создания своего в поругание поганымъ, да не возрадуютца погании, оскверня крестьянскую двицу». И сдшы же они на кони своя и съхася они вмсте со Амиромъ царемъ, и начаша ся сщы саблями и ударишася межь собою
Рекоша же братаничи: «Брате Амире царю! Власть имамъ посщы тя и власть имамъ пустити тя. Как намъ за холопа выдать сестру свою? А нын повждь намъ: гд сестра наша?». Рече же имъ Амир царь слезно: «Братия! Видите оно пол прекрасно: тамо стоятъ многия шатры, а в них седит сестра ваша; а гд сестра ваша ходит, и тут изослано поволоками златыми, а лице ея покрыто драгимъ магнитомъ [698] , а стражие ея стрежаху далече от шатров». Слышав же то, братия радостьни быша и поскочиша к шатру ея и прискочиша; стражие же не рекоша имъ ничегоже, а чающе, яко приходцы суть, а не чающе, яко братия ея. И приидоша же братия к шатру, и внидоша в шатер к сестр своей, и обртше же сестру свою на злат стуле сдящу, и лице ея покровенно драгимъ магнитомъ. Начаша же братаничи вопрошати слезно: «Повждь намъ, сестрица, дерзость Амира царя, аще к теб прикоснулся единомъ словомъ, то отымем же главу его и отвеземъ въ Греческую землю, да потомъ не будетъ похвалятися, осквернивъ крестьянскую дву». [699] (…) Рече же двица ко братии: «Никакоже, братия, не имйте никакова о мн во ум своемъ. Коли я исхищена Амиромъ царемъ, и тогда было при мн 12 кормилицъ, а нын боюсь поношения отъ людей и от своих сродницъ, занеже бысть полоненица. И азъ повдала Амиру царю дерзость вашу, и Амир царь всегда ко мн приежьжаше единою мсяцомъ и издалеча на меня смотряше; лице мое повел сродичемъ своимъ скрывати, а въ шатеръ никто николиже вхождаше; а нын, братия моя милая, хощу к вамъ глаголати, да прежь хощу вас заклинати молитвою матери нашея — да не преслушати вамъ заповди моея. Аще толко отвержетца Амир царь правдою вры своея, и днесь креститьца во святое крещение, и иного вамъ зятя таковаго не обрсти, занеже славою славен и силою силен и мудростию мудръ и богатествомъ богатъ». Рекоша же братия къ сестр своей: «Совокупитъ васъ материя молитва со Амиромъ царемъ». [700]
698
…драгимъ магнитомъ… — В древнерусском переводе одним и тем же словом «магнит» переведены два различных греческих слова, одно из которых значит «платок, косынка», другое — «драгоценный камень».
699
…осквернивъ крестьянскую дву. — Далее в списке ошибочно читается фрагмент: «В то жь время Амиръ царь… да буду вамъ зять», который мы по смыслу текста переносим ниже и вставляем после слов: «со Амиромъ царемъ»; затем читается фрагмент, повторяющий с некоторыми изменениями тот же вопрос братьев к сестре; этот фрагмент мы опускаем.
700
… со Амиромъ царемъ… — Далее вставляем фрагмент, перенесенный из предыдущего текста.
В то жь время Амир царь собра триста верблюдъ и наполни на них драгаго злата аравитцкаго и дал братаничамъ в даровях, любви ради двицы тоя, и рече Амир царь ко братаничемъ: «Помилуйте мя, братия моя, отвергусь я вры своея и днесь крещуся во святое крещение, любве ради двицы тоя, да буду вамъ зять». И рекоша братаничи Амиру царю: «Аще хощешы быти намъ зять, и ты отвергися вры своея поганыя, любве ради сестры нашея; днесь крестися во святое крещение и поди к намъ в Греческую землю, по любимой своея двицы». И рече же имъ Амиръ царь: «Братия моя милая! Не дамся аз в сраме, да не рекутъ греченя, яко, полонив зятя, в домъ свой ведутъ. Нарекуся аз вамъ зять съ великою честию. Хощу прежь хать и изобрать велблюды со всей земли и наполнити на них богатества, и хощу изобрати силные кмети, а хто хощетъ со мною итить во святое крещение; и прииду к вамъ в Греческую землю и нарекуся вамъ зять и буду славенъ и богатъ. А вы коней своих не томите, подожьдите мя на дороге». Братия же вземше сестру свою и похаша путемъ своим.
А Амир царь, прихав к матери своей и к брату своему, и нача имъ прелестию глаголати, да чтобы его не уняли. И рече матери своей: «Мати моя милая! Что ходих в Греческую землю и полоних себ любимую двицу, и приидоша во слдъ ко мн братия ея и начаша со мною битися. И единъ отъ них, меншы братъ, крпость мою побдилъ. Аще бы совокупилися вс три брата во единое мсто, то и вся бы земля наша от них в работ была». Рече же мати ко Амиру царю, сыну своему, гнвно и власы главы своея нача терзати и лице свое, и рече ему: «На што нарекаешься царемъ и силный кметь у себя имешы, прибытку емлютъ по 1000 и по 2; и ты иди нын и совокупи войска своего, и иди въ Греческую землю и побди братию, и любимую двицу приведи ко мн». Амир же рече к матери своей прелестию: «Мати моя, азъ хощу то жь сотворить, собрати воя своя много и идти пакости творить в Греческую землю». И рече братъ Амиру царю: «Поидемъ, брате, вскоре, собравъ войско свое, да не допустимъ братию с любимою двицею во градъ». И рече Амир царь ко брату своему: «Сяди ты, брате, на престол моемъ, а язъ единъ хощу хати пакости творити въ Греческой земле». В то же время Амиръ царь посади брата своего на престол своемъ, и самъ собра войска много, и собра богатества и веръблюды со всей земли и наполни на них драгаго злата аравитцъкаго и камения драгаго многоцнного. Видв же то срацыняне, яко на рать не ходятъ тако, а не глаголаше ему ничего.
Доиде же Амир царь до сумежия Греческия земли, и рече Амир царь ко аравитяномъ: «Братия моя милая, силнии и храбрии аравитяне! Хто хощетъ со мною дерзость творити, той поди со мною в Греческую землю пакости творити». И рече от них един аравитянин, во устх имя у себя дванадесять замковъ, и рече велегласно ко Амиру царю: «Великий государь, Амире царю! Приидоша отъ Греческия земли в нашу Срацынскую землю три юноши, и един от них крпость твою побди; аще бы въс были три совокупилися во едино мсто, то бы и земля наша от них вся в работе была; а нын ты хочешь итить в Греческую землю, то они нас и до остатку всхъ погубятъ». Амир же царь, отпустив богатество, наполненныя казны верблюды вперед в Греческую землю, и взяв немного кметей своих и поиде в Греческую землю.
Братанича же не доидоша Греческаго града за пятдесятъ поприщь и сташа на поле; сестра же ихъ начат имъ молитися: «Братия моя милая! Не введите мя в срамъ великий от человкъ и от своих сродникъ, занеже азъ исхищена была рукама Амира царя; подождите зятя своего нареченного Амира царя». По мале же времяни приидоша к нимъ Амир царь со всмъ богатествомъ и съ верблюды, наполненныя златомъ и сребромъ. И рече Амир царь: «Слава Богу, благодющему мн, яко сподобил мя Богъ братию в очи видти». И рекоша братия ко Амиру царю: «Рабе Христове, буди ты намъ зять». Два же брата, болшый и середней, с сестрою своею похаша во градъ нощию, народа ради, и внидоша в домъ матери своея, и видвъ же матерь два сына и дщерь свою и рече имъ слезно: «Сестрицу вы свою добыли, а братца изгубили есте!» И рече ей сынове ея: «Радуйся, мати, и веселися, братъ нашь меншый пребывает зъ зятемъ нашимъ нареченнымъ, со Амиромъ царемъ, а нын ты, мати, доспевай бракъ великъ, занежь есми добыли зятя — славою славенъ и силою силенъ и богатеством богатъ, а нын намъ ево въвести во святое крещение».
И вземше патриарха града того со всмъ соборомъ и приидоша на Ефрантъ реку [701] и сотвориша купль. И выидоша из града множество народа. Видвше же то братаничи истомна Амира царя отъ народа, братаничи же повел Амира царя вскоре крестити во имя Святаго Духа, и крести его самъ патриархъ, а отецъ былъ крестной царь града того. И поидоша в домъ матери своея и сотвориша бракъ великъ, преславенъ зело, и сотвориша свадбу по 3 мсяцы. И потомъ Амир царь сотвори себ особый дворъ и полаты и жити нача с своею любимою двицею.
701
…приидоша на Ефрантъ реку… — В греческой версии о месте крещения эмира не говорится, но Дигенис живет на берегах Евфрата; упоминание этой реки может служить указанием на время сложения сказания о Дигенисе: восточная граница Византии проходила по реке Евфрату в X–XI вв.
По том же времяни услыша мати Амира царя, что он крестися и отвергъся вры своея, любве ради девицы тоя, и нача терзати власы главы своея, и собра войска своего много множество и рече имъ: «Кто иметъ дерзость внити в Греческую землю къ господину своему Амиру царю и извести его из Греческия земли с любимою двицею его?» И рекоша жь ей три срацыняне: «Мы, госпоже, идемъ въ Греческую землю и отнесемъ какъ книги ко господину своему, царю Амиру». И она же имъ даша много златницъ и даша имъ три кони: конь, рекомый Втреница, вторый — Громъ, третий — Молния. [702] «Аще внидете в Греческую землю и увидите господина своего Амира царя, и изведите его из Греческия земли, и сядете на Втреницу, и вы невидими будете никимъже. Аще внидите в Срачинскую землю с господиномъ своимъ Амиромъ царемъ и со девицею его любимою, и сядите вы на Громъ-конь, и тогда услышат все аравитии Срацынские земли. Аще сядете на Молнию, и невидими будете въ Греческой земл».
702
…конь, рекомый Втреница… третий — Молния. — В греческих версиях арабы также приводят трех коней, различных по масти, но о чудесных свойствах их не упоминается.
Срацыняне же взяша три коня и книги ко Амиру царю, и похаша путемъ своим, и прихаша под градъ греческий, и сташа вне града въ сокровенномъ мсте, и вседоша на Молнию, и невидимъ бысть въ Греческой земл.
Тоя же нощы царица Амира царя, прекрасная царица двица, видша сонъ и ужасна бысть и повдаша братиямъ своимъ: «Братия моя милая, видла я сон: въ нкое время влетша в полату мою златокрылатый соколъ и ятъ мя за руку и изнесе из полаты моея, и потомъ прилетша три враны и напустиша на сокола, и сокол мя опусти».