Молитвослов для готовящихся к Исповеди и Причастию (с раздельными канонами)
Шрифт:
И ныне: Дивная и скорая помощнице всем челов'eком, Мати Божия, помози мне недостойному, душа бо моя гр'eшная того восхот'e.
Песнь 6
Жит'eйское море, воздвизаемое зря напастей бурею, к тихому пристанищу Твоему прит'eк, вопию Ти: возведи от тли живот мой, Многомилостиве.
Помилуй мя, Боже, помилуй мя.
Жити'e на земли блудно пожих и душу во тьму предах, ныне убо молю Тя, Милостивый Владыко: свободи мя от работы сея вражия, и даждь ми разум творити волю Твою.
Помилуй
Кто творит таковая, якоже аз? Якоже бо свиния лежит в калу, тако и аз греху служу. Но Ты, Господи, исторгни мя от гнуса сего и даждь ми с'eрдце творити заповеди Твоя.
Слава: Воспряни, окаянный челов'eче, к Богу, воспомянув своя согреш'eния, припадая ко Творцу, слезя и стеня; Той же, яко милос'eрд, даст ти ум знати волю Свою.
И ныне: Богородице Д'eво, от видимаго и невидимаго зла сохрани мя, Пречистая, и приими молитвы моя, и донеси я Сыну Тво'eму, да даст ми ум творити волю Его.
Душ'e моя, почто грехами богат'eеши, почто волю диаволю твориши, в чесом над'eжду полагаеши? Престани от сих и обратися к Богу с плачем, зовущи: милос'eрде Господи, помилуй мя гр'eшнаго.
Помысли, душ'e моя, горький час см'eрти и Страшный Суд Творца Твоего и Бога: Ангели бо грознии поймут тя, душ'e, и в в'eчный огнь введут; убо пр'eжде см'eрти покайся, вопиющи: Господи, помилуй мя гр'eшнаго.
Песнь 7
Росодательну убо пещь сод'eла Ангел преподобным отроком, халд'eи же опаляющее вел'eние Божие, мучителя увеща вопити: благослов'eн еси, Боже от'eц наших.
Помилуй мя, Боже, помилуй мя.
Не над'eйся, душ'e моя, на тл'eнное богатство и на неправедное собрание, вся бо сия не в'eси кому оставиши, но возопий: помилуй мя, Христ'e Боже, недостойнаго.
Помилуй мя, Боже, помилуй мя.
Не уповай, душ'e моя, на тел'eсное здравие и на скоромимоходящую красоту, видиши бо, яко сильнии и младии умирают, но возопий: помилуй мя, Христ'e Боже, недостойнаго.
Слава: Воспомяни, душ'e моя, в'eчное жити'e, Царство Неб'eсное, уготованное святым, и тьму кром'eшную и гнев Божий злым, и возопий: помилуй мя, Христ'e Боже, недостойнаго.
И ныне: Припади, душ'e моя, к Божией Матери и помолися Той, есть бо скорая помощница кающимся, умолит Сына Христа Бога, и помилует мя недостойнаго.
Песнь 8
Из пламен'e преподобным росу источил еси и праведнаго ж'eртву водою попалил еси, вся бо твориши, Христ'e, токмо 'eже хот'eти. Тя превозносим во вся в'eки.
Помилуй мя, Боже, помилуй мя.
Како не имам плакатися, егда помышляю смерть, видех бо во гробе лежаща брата моего, безславна и безобразна? Что убо чаю, и на что над'eюся? Токмо даждь ми, Господи, пр'eжде конца покаяние. (Дважды.)
Слава: В'eрую, яко приидеши судити живых и м'eртвых, и вси во сво'eм чину станут, старии и младии,
И ныне: Пречистая Богородице, приими недостойную молитву мою, и сохрани мя от наглыя см'eрти, и даруй ми пр'eжде конца покаяние.
Песнь 9
Бога челов'eком невозможно видети, на Негоже не см'eют чини Ангельстии взирати; Тобою же, Всечистая, явися челов'eком Слово Воплощ'eнно. Егоже величающе, с Неб'eсными вои Тя ублажаем.
Помилуй мя, Боже, помилуй мя.
Ныне к вам прибегаю, Ангели, Архангели и вся Неб'eсныя силы, у Престола Божия стоящии, молитеся ко Творцу своему, да избавит душу мою от муки в'eчныя.
Помилуй мя, Боже, помилуй мя.
Ныне плачуся к вам, святии патриарси, царие и пророцы, апостоли и святители и вси избраннии Христовы: помозите ми на суд'e, да спас'eт душу мою от силы вражия.
Слава: Ныне к вам воздежу руце, святии мученицы, пустынницы, д'eвственницы, праведницы и вси святии, молящиися ко Господу за весь мир, да помилует мя в час см'eрти моея.
И ныне: Мати Божия, помози ми, на Тя сильне над'eющемуся, умоли Сына Своего, да поставит мя недостойнаго одесную Себ'e, егда сядет судяй живых и м'eртвых. Аминь.
Владыко Христ'e Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Теб'e прегрешившему, сл'eзы умил'eния; сраствори моему т'eлу от обоняния Животворящаго Т'eла Твоего и наслади душу мою Тво'eю Честною Кровию от горести, 'eюже мя сопротивник напои; возвыси мой ум к Теб'e, долу поникший, и возведи от пропасти погибели; яко не имам покаяния, не имам умил'eния, не имам слезы ут'eшительныя, возводящия чада ко своему насл'eдию. Омрачихся умом в жит'eйских страст'eх, не могу воззр'eти к Теб'e в бол'eзни, не могу согр'eтися слезами, яже к Теб'e любв'e. Но, Владыко Господи Иисусе Христ'e, сокровище благих, даруй мне покаяние всец'eлое и с'eрдце люботрудное во взыскание Тво'e, даруй мне благодать Твою и обнови во мне зраки Твоего образа. Оставих Тя, не остави мен'e; изыди на взыскание мо'e, возведи к пажити Тво'eй и сопричти мя овцам избраннаго Твоего стада, воспитай мя с ними от злака Бож'eственных Твоих Таинств, молитвами Пречистыя Твоея Матере и всех святых Твоих. Аминь.
Канон молебный ко Пресвятой Богородице, поемый во всякой скорби душевной и обстоянии
Творение Феостирикта монаха
К Богородице прил'eжно ныне притец'eм, гр'eшнии и смир'eннии, и припад'eм, в покаянии зовуще из глубины души: Владычице, помози, на ны милос'eрдовавши, потщися, погибаем от множества прегр'eшений, не отврати Твоя рабы тщи, Тя бо и едину над'eжду имамы. (Дважды.)