Ермак
Шрифт:
Бытия воином воздаяние, с коня да в рай. О предивное чюдо! Дело великих Божиих глубоких чюдес! Древле на поли сшедшеся, хотящи языцы бранем, многочисленные полки благочестивых же християн, Христовым словом надежне дерзающих, малое стадо во обстоянии, аки овцы посреде волков. Егда же сразившеся в велией сечи со обоих стран, обои видевше в противенстве небесный рай отверзен, и бездна открыта. Егда жь час умерщвленну от бусурман Христову рабу, приемлюще душу его святии ангели с коня да в рай. Егда бусурман исчезаше, приемлюще демоны с коня да во ад к своему сатане. За се бусурманы престаша от сечи, християна же видя свое знамя, паче дерзаша за веру християнскую и за святые Божие церкви, за самодержца и за сродство свое агарен посекая, и умершвляя, и низлагая.
Пример о покорении
О мирном поставлении. О мирности упражняяся в пример словес в народ владении делнаго розговора, понеж благоухишренну мужу подобает ведати различныя обыкновения и разные сонмов уставы и законы, дабы могл лутши искуство прияти грады, и тверды, и похвалный устав о чинех установити, крест в мире, верность и ангелом радость.
Философие довлеет правду во всех делах хранити, от сего велия любовь межь всеми роды добре живет. И новых вещей не вносити, а пришлецов за рубежь высылати, обаче попечение имети должни есмы, да нашему сибирству во веки пребывати, дабы отчизна наша, когда тогда ныне требует совета и мудрости и подлинным советом здравым, а не спыльчивым что исцелити добрыми обрасцы, которыми мочно междуусобные и градские ухишрения и злобы утишити, ниже сокрушатися. От повестей не искуства смотрети подобает. Ведомо мирное поставление крепце в мире чисте, ини же не согласни, ине стоят крестопреступне, леть лесть в сердци, делаюшем злая; хранящеи мира возвеселятца. Конь познавается в день брани, от Господа же помощь.
О несчастии воинском. Истинная и пригодная мудрость: место дати иногда времени, а нужде всегда пособляти, паче в писание разум прилагати, зане ухищренный мужь не имать противитися нещастию, но парусы свои отпустивше, стояти до времени потребна, дабы возмогл после выправить якори и по той воде надежно плавати, которая прежде необычно волновалася. Хотя нагло, невинне потонет, ибо в разуме противитися ветром противным и зелным бурям и по небу ничего иного не бывает, токмо самовольне заранее в тихость стати и подлинному опасению вдати. Да по сем искусни доволне будем и изберем мудре сущим посредняя, и когда ни есть сызнова в тиски свое учение воинъское справлено буди, да от несоветов наших посторонные не смеялися, паче жь неприятели да не радовалися. И несуменно тщателно, разумно, конечно в совете и в любви пребывати.
Положение святых отец о верных слугах. Во время видевше святии отцы греческую честь в тесноту достигше и пасти хотяще, советующе самодержцем о верном слуге, глаголюще: «Лутче един праведен, нежели 1000 прошаков, и лутче мудре укрепити единем, неже многим неразумством, той бо не лютым оружием посполитым плоти низлагая, но словом от Бога враги вскоре низлагаются и грады и многи тысящи своих спасены содевают». Яко мужь мудр, паче крепкаго мудрость имея и лутше тяжателя велика, с разумом сила, мужество глаголется; крепость душевная мудрость есть, побеждаяй видимыя враги, всячески победит и невидимы. Аще свой дом добре строит, то и все добре устроит. Прилепивыйся с Господем един дух имать. Мудрость укрепляет мудраго паче силных и лутче храбрых, храбръствующе без ума, мудраго дума паче многих рек, и тою просветитца лице его. Сего ради самодержцем мудрствовати подобает или мудрым последовати, похваляюще святии отцы, на них же воистину, яко на престоле, Бог почивает. Мудрость надо всеми добродетелми царствует и паче силных во граде обладает, и в сем царствует.
О храбрости воинской. Еще на подвиги привед, оружия предлежит златая требе есть, взяти сия в руку и действовати ими. Ты хощеши не славне спастися и ничто же благо соделати, рцы ми, аще брань стояла бы и царь был бы ту и овех убо видев, еже в самыя в полки супостат впадших и посекающих и ратная соделовающих тмами, друзих же на особь с собою борющихся. Инех на конех урышущих и похваляемых от царя, чюдимых, соплескуемых, венчаемых, других паки любезно вещь мнящим, аще ничто
Не влаятися семо и авамо, но царским путем идем. «Суета суетствий, всяческая суета, — глагола мудрец, видех бываемое под солнцем, — и се суета». На рати железо дражайше злата, а при животе нашем паче богатства, и сего ради лепо не уклонятися ни на десну, ни на шую, но царским путем да тецем жително, понеже в житии нашем ничто же стоятелно и ничто же утверженно, но все прелагателно: от утра до вечера день пременяет, горняя бо не суть долу, а долняя горе. И сего ради довлеет ни во благопослушных веселитися, ни в неудобных испадати, паче быть во обоих кротку, ко единому солнцу тщатися. И нерастленное житие присвояет к Богу. Аще велик хощеши быти пред Богом и пред человеки, посему смирися, ино во всем прославишися. Небесная ради красоты, мирские хранится слепоты, понеже с премудростию зиждется храм, с разумом исправляется. Действием исполняются сокровища, от достигшаго богатства всекрасная слава. А неразумным юность и доброту телесную изменяет старость, а печаль — славу, а богатъство разоряет смерть и тля, и всякое веселие века сего с плачем скончается.
Правда же пребывает во веки. Тать ненавидит солнца, а гордый смиреннаго. Мудрый мужь смысленным друг, а несъмысленным враг. Идеже бо свары и рвения, оттоле удаляется Бог. Брате, буди слепым око, хромым нога, алчущим пища, нагим одежда, болным посетитель, от бед свободитель, от всех чести не ищи. И о сем дозде кончаем.
Се дозде доплывше, ветрила словес спустивше, в твердем пристанище истории охотне почием. Никто жь себе тако милует, яко жь всех нас Бог. Ты же, читателю, зря вышеписанное, вспоминай Бога паче дыхания, чти его делом, а хвали его словом и помыслы бойся его. Душу имей аки воеводу, тело аки воина, дабы воин воеводе во всем благопокорен, а не воевода воину, яко ества здравая из глинянаго блюда есть вкусна.
Аз же в Сибирьстей быти о единодушных казацех вкратце глаголал, налично всположих в Тобольске граде всенародному зрению нескрытно, аще и языка светлоречиваго не стяжах, еже железным ключем отверзох, а златый впредь уготовах ко утешней всенародной ползе. Имя же мое знаком сим зовом, с природными прослытий в Сибирьсьтей стране в начальном граде. [6]
Начало заворуя Ермака Тимофеева сына Поволскаго. В 7085 и 6-м (1577—78) годех воевал и разбивал на Оке и Волге и на море суды и катарги, торговых караваны в скопе с 5000 человек, хотя итти в Кызылбаши для своей власти з донскими и еицкими. И прежде в те лета промчеся воровской слух его в Русии, в Казане и в Астрахане, и что кызылбашских послов пограбили Ермачко именем со многими людми, у него ж было в скопе на море 7000 человек. И то ж 86-го октября 1 день послан указ от великого государя со столником Иваном Мурашкиным по дороге и в Астрахань: где тех воров ни застанет, тут пытать, казнить и вешать.
6
Имена С. У. Ремезова и его близких, как принимавших участие в создании «Истории Сибирской» (отца Ульяна и сына Леонтия), так и хранивших рукопись (сыновей Леонтия, Семена, Петра и Ивана), зашифрованы в последнем рисунке рукописи (см. следующий рисунок).
Ермак же советом з дружиною услыша грозное слово и дело августа з 29 числа, и с возвратом здумали бежать в Сибирь разбивать, обратя струги по Волге и по Каме вверх. И тот их государев указ на станах не застал, а коих схватали, тех и приказнили, и кои с ними думали. Ермака же и собрание воеводы не толико взяти, но и подумать — сами бежали прочь. И сентября 26 день объмишенилися, не попали по Чюсовой в Сибирь и прогребли по Сылве верх и в замороз дошли до урочища, Ермакова городища ныне словет; и идучи у жителей обира хлебы и запасы и тут зимовали, и по за Камени вогуличь воевали и обогатели, а хлебом кормилися от Максима Строганова. И в поход ходиша на вогуличей 300 человек и возвратишася з богатством в домы своя и на подъем в Сибирь и к тому приправиша вдоволь легких струг с припасы.