Не стыдись исповедовать грехи свои

Дьяченко Григорий Михайлович

Седален, глас 6-й Упова́ние и стена́, и приста́нище лю́дем Твои́м, Де́во, из Нея́же роди́ся безстра́стно Спас вся́ческих, и спасе́ упова́ющия на Тя: я́коже пла́чася Твоего́ Сы́на при Кресте́, Того и ны́не моли́ изба́вити от тли вся пою́щия Тя.

Песнь 7

Ирмос: Росода́тельну у́бо пещь соде́ла а́нгел преподо́бным отро́ком, халде́и же опаля́ющее веле́ние Бо́жие мучи́теля увеща́ вопи́ти: благослове́н еси́, Бо́же отец на́ших.

Седмь

седми́цею пла́мень разжже́ ми страстьми́ лука́вый, и любоде́яньми се́рдце мое́ всегда́ умерщвля́ет: те́мже то́ками мои́х слез угаси́ его, Ма́ти Бо́жия, и спаси́ мя.

Окаля́ема ти́ною прегреше́ний мои́х, не отри́ни мене́, Влады́чице Блага́я: и́бо зря мя, во отча́янии су́ща, смее́тся прелука́вый враг: но Сама́ Твое́ю держа́вною руко́ю возста́ви.

Слава: Стра́шное у́бо суди́ще, стра́стная душе́ моя́ и нечу́вственная, и муче́ние же неконча́емое и гро́зное: но оба́че ны́не припади́ к Ма́тери Судии́ Твоего́ и Бо́га, и не отча́йся сама́.

И ныне: Омрачи́хся стра́стный мно́жеством безме́рных зол, и оскверни́х ду́шу и те́ло же и ум: те́мже, Пречи́стая, све́том Твои́х сия́ний к безстра́стию сла́дости ско́ро введи́ мя.

Песнь 8

Ирмос: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся бо твори́ши, Христе́, то́кмо еже хоте́ти, Тя превозно́сим во вся ве́ки.

Яже от Тро́ицы Еди́наго Бо́га ро́ждшая и на руку́ носи́вшая, Де́во Ма́ти, угаси́ страсте́й огнепа́льную пещь и сле́зными то́ки омы́й ду́шу мою́.

Прихо́да сме́ртнаго ужаса́юся, Пречи́стая, и суда́ о́наго весь ны́не убоя́хся, де́я же зла́я, ника́коже стыжду́ся: уще́дри мя пре́жде конца́ моли́твами Твои́ми, Де́во.

Слава: Стена́ния немо́лчная, Влады́чице, да́руй ми, и слез ту́чы даждь, да отмы́ю моя́ прегреше́ния мно́гая и неисце́льныя я́звы: я́ко да улучу́ жизнь ве́чную.

И ныне: Зол мои́х мно́жество Тебе́ испове́дах, Влады́чице, я́ко ни еди́н в ми́ре ин прогне́ва та́ко Бо́га, Сы́на и Го́спода Твоего́: Сего́ ми на ми́лость вско́ре премени́, Де́во.

Песнь 9

Ирмос: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти: Тобо́ю же, Всечи́стая, яви́ся челове́ком Сло́во воплоще́нно, Его́же велича́юще, с Небе́сными во́и Тя ублажа́ем.

Се прихожду́ Ти, Пречи́стая, со стра́хом мно́гим и любо́вию, кре́пость ве́дый мно́гия моли́твы Твоея́, раб Твой: мно́го бо мо́жет вои́стинну, Влады́чице, мольба́ Ма́терня к Сы́ну: милосе́рдием бо преклоня́ется.

Ли́ки приими́ арха́нгел же и мно́жество вы́шних во́инств Зижди́теля моего́: апо́стол же и проро́к собо́ры, и муче́ники, и преподо́бныя, и священномуче́ники: и моли́тву сотвори́, Чи́стая, за нас к Бо́гу.

Слава : И ны́не и тогда́ Твою́ по́мощь да обря́щу, Чи́стая, в час, в о́ньже изы́дет дух мой, вско́ре изыма́ющи, изба́ви мя бесо́вскаго мучи́тельства, Пренепоро́чная, и не оста́ви мене́, Блага́я, пре́дану бы́ти им.

И ныне: Судии́ Ще́драго ча́ю, и Человеколюби́ваго Твоего́ Сы́на, Чи́стая не пре́зри мене́: но Того́ ми сотвори́ благопреме́нна, поста́вити мене́ одесну́ю тогда́, Всенепоро́чная, Пречи́стому суди́щу Его́, на Тя бо упова́х.

Молитва Пресвята́я Влады́чице моя́ Богоро́дице, святы́ми Твои́ми и всеси́льными мольба́ми отжени́ от мене́, смире́ннаго и окая́ннаго раба́ Твоего́, уны́ние, забве́ние, неразу́мие, нераде́ние, и вся скве́рная, лука́вая и ху́льная помышле́ния от окая́ннаго моего́ се́рдца и от помраче́ннаго ума́ моего́; и погаси́ пла́мень страсте́й мои́х, я́ко нищ есмь и окая́нен. И изба́ви мя от мно́гих и лю́тых воспомина́ний и предприя́тий, и от всех действ злых свободи́ мя. Я́ко благослове́на еси́ от всех родо́в, и сла́вится пречестно́е и́мя Твое́ во ве́ки веко́в. Ами́нь.

Список использованной литературы

1. Уроки и примеры христианской веры. Опыт катехизической хрестоматии. (Сост. прот. Г. Дьяченко. СПб.: Тип. М. П. Фроловой, 1902.

2. Василий Великий, свт. Творения. СвятоТроицкая Сергиева Лавра, 1900.

3. Иоанн Златоуст, свт. Творения. СПб.: Санкт-Петербургская Духовная Академия, 1908.

4. Тихон Задонский, свт. Сочинения. СПб.: Тип. Глазунова, 1820–1826.

5. Ефрем Сирин, св. Творения. СергиевПосад: Тип. Свято-Троицкой Сергиевой Лавры, 1907–1911.

6. Иоанн, игумен Синайской горы, св. Лествица. М., 1862.

7. Тихон Воронежский, свт. Воскресные чтения. Кн. 1. 1870–1871.

8. Исаак Сирин, св. Слова духовно-подвижнические. Козельск: Изд. Козельской Введенской Оптиной Пустыни, 1884.

9. Августин Аврелий, блж. Творения. Ч. 1–11.Киев: Изд. Киевской Духовной Академии, 1800–1887.

10. Сочинения духовных христианских апологетов. Татиан. Афиногор. Св. Феофил Антиохийский. Ермий. Мелитон Сардинский. Минуций Феликс. М.: Университетская тип., 1867.

11. Ириней Лионский, св. М.: Университетская тип., 1871.

12. Свирелин А., прот. Православное исповедание христианской веры в Четьих-Минеях, СПб., 1893.

13. Филарет Московский, митр. Слова и речи. Ч. 1–3. М.: Тип. Семена, 1848.

14. Макарий Московский, митр. Православно-догматическое богословие. СПб.: Тип. Финара, 1849.

15. Сильвестр, еп. Опыт православного догматического богословия. Киев, 1884.

16. Велтистов, свящ. Грех, его происхождение, сущность и следствия. М.: Тип. М. Г. Волчанинова, 1886.

17. Филарет Черниговский, архиеп. Святые подвижники восточной Церкви. СПб., 1871.

18. Царевский А. С. Уроки по Закону Божию. Киев: Тип. П. Г. Данилова, 1886.

19. Димитрий Ростовский, митр. Руно орошенное. Чернигов: Тип. Троицко-Ильинского монастыря, 1889.

20. Творения святых отцов. М., 1844.

21. Молитвослов для исповеди и причастия. Успенско-Казанский монастырь, 2009.