Православный календарь на 2013 год

авторов Коллектив

Мучеником сострадалец явлься и оружник, воин изрядный Царя славы был еси, искушеньми и мукою возвышение идолослужителеи попрал еси, сего ради честную твою поем память, мудре Фалалее.

3 июня (понедельник)

21 мая по ст. ст.

Неделя 5-я по Пасхе. Владимирской иконы Божией Матери. Равноапп. царя Константина и матери его царицы Елены. Блгв. кн. Константина (Ярослава) и чад его Михаила и Феодора, Муромских чудотворцев. Обретение мощей блж. Андрея Симбирского. Прп. Кассиана грека, Угличского чудотворца. Собор Карельских святых. Собор Уфимских святых. Собор мучеников Холмских и Подляшских. Чтимые списки с Владимирской иконы Божией Матери: Псково-Печерская «Умиление», Заоникиевская, Красногорская или Черногорская, Оранская.

Молитва

дня: тропарь Божией Матери пред иконой Ее Красногорской (Владимирской).

Радуйся, святая гора Красная, небеси подобная, слава бо Божия на Тебе возсия. Взыграйте, горы и холми, веселием, яко на сей горе икона Божия Матере, честнаго Ея умиления, прославися. Ликуйте, человецы, и веселитеся, яко нам даровася богатство неотъемлемое, исцелении сокровище, гласы, якоже трубы, возшумите, прославляюще Ея чудеса преславная. И Ты, Чистая, радуйся, яко с Тобою Господь.

4 июня (вторник)

22 мая по ст. ст.

Мч. Василиска. Мч. Иоанна-Владимира, кн. Сербского. Прав. Иакова Боровичского, Новгородского чудотворца. Сщмч. Михаила пресвитера. Свв. отцов II Вселенского собора. Тупичевской и Кипрской икон Божией Матери.

Молитва дня: кондак мученика Василиска.

Во страдании крепок и мужественен явился еси и в чудесех предивен, явленно Христово имя преднося, мучителя посрамил еси. Тем тя почитаем, Василиске, присно зовуще, всечестне: радуйся, мучеников светлая доброто.

5 июня (среда)

23 мая по ст. ст.

Прп. Михаила исп., еп. Синадского. Обретение мощей свт. Леонтия, еп. Ростовского. Собор Ростово-Ярославских святых. Прмч. Михаила черноризца. Прп. Евфросинии, игумении Полоцкой. Прп. Паисия Галичского.

Молитва дня: святителю Дмитрию Ростовскому.

О святителю Димитрие, великий угодниче Христов, златоусте российский! Услыши нас грешных, молящихся тебе, и принеси молитву нашу к Человеколюбцу Богу о рабах Божиих (имена). Умоли Его благосердие, да не осудит нас по беззаконием нашим, но да сотворит с нами по милости Своей. Испроси нам у Христа Бога нашего мирное и безмятежное житие, здравие душевное и телесное. Даруй нам богоугодно прейти поприще временныя жизни: избави нас от воздушных мытарств и настави нас на путь, ведущий в селения праведных; подаждь нам твое архипастырское и святое благословение, да оным осеняеми, избавимся от козней лукаваго и избегнем от всякой беды и напасти. Услыши моление наше, отче Димитрие, и моли непрестанно о нас Всесильнаго Бога, славимаго и покланяемаго в трех ипостасех, Ему же подобает всякая слава, честь и держава во веки веков.

6 июня (четверг)

24 мая по ст. ст.

Прп. Симеона столпника Дивногорца. Прп. Никиты, столпника Переяславльского. Блж. Ксении Петербургской Мчч. Мелетия Стратилата, Стефана, Иоанна, Серапиона египтянина, Каллиника волхва, Феодора и Фавста, и с ними 1218 воинов с женами и детьми.

Молитва дня: кондак преподобного Симеона.

Вышняя желая, дольная отложив, и, яко небо, столп соделавый, тем облистал еси чудес зарею, преподобие, и Христу, всех Богу, молишися непрестанно о всех нас.

7 июня (пятница)

25 мая по ст. ст.

Третье обретение главы Предтечи и Крестителя Господня Иоанна. Прмц. Елены. Прмч. Тавриона. Сщмч. Ферапонта, еп. Кипрского. Свт. Иннокентия, архиеп. Херсонского. Иконы Божией Матери именуемой «Споручница грешных», Корецкой.

Молитва дня: кондак Предтечи.

Светоявленный и Божественный в мире столп, солнца светильник, Предтеча, главу светоносную и Божественную свою показавый в концех, освящает той верно покланяющихся и взывающих: Христов премудрый Крестителю, спаси всех нас.

8 июня (суббота)

26 мая по ст. ст.

Апп. от 70-ти Карпа и Алфея. Мч. Георгия Нового. Мчч. Аверкия и Елены. Прп. Иоанна Психаита исп. Обретение мощей прп. Макария Калязинского. Молитва дня: тропарь апостола Карпа.

Апостоле святый Карпе, моли Милостиваго Бога, да прегрешений оставление подаст душам нашим.

9 июня (воскресенье)

27

мая по ст. ст.

Отдание праздника Пятидесятницы. Сщмч. Ферапонта, еп. Сардийского. Обретение мощей прп. Нила Столобенского. Прав. Иоанна Русского, исп. Мчч. Феодоры девы и Дидима воина. Прп. Ферапонта Белоезерского, Можайского. Перенесение мощей свтт. Московских Киприана, Фотия и Ионы. Прп. Ферапонта Монзенского.

Молитва дня: кондак преподобного Нила.

Отечества, преподобие, удалився, в пустыню вселился еси, и, на остров Селигера езера возшед, жестоко житие показал еси, и, многих добродетельми удивив, дарования чудес от Христа приял еси. Поминай нас, чтущих память твою, да зовем ти: радуйся, Ниле, отче наш.

10 июня (понедельник)

28 мая по ст. ст.

Неделя 6-я по Пасхе. Прп. Никиты исп., еп. Халкидонского. Свт. Игнатия, еп. Ростовского. Прп. Елены Дивеевской. Прмч. Макария, Дионисия, сщмч. Николая диакона, мчч. Игнатия и Петра. Прп. Ираклия, исп. Прмц. Гермогены. Сщмч. Евтихия, еп. Мелитинского. Мц. Еликониды. Сщмч. Елладия, епископа. Икон Божией Матери: «Умягчение злых сердец», «Нерушимая стена», Никейской, Чухломской (Галичской). Молитва дня: молитва Божией Матери пред иконой Ее Семистрел ьной.

О Многоскорбная Мати Божия, превышшая всех дщерей земли по чистоте Своей и по множеству страданий, Тобою на земли пренесенных! Приими многоолезненныя воздыхания наша и сохрани нас под кровом Твоея милости, инаго бо прибежища и теплаго предстательства, разве Тебе, не вемы, но, яко дерзновение имущи ко Иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне, и присно, и во веки веков. Аминь.

11 июня (вторник)

29 мая по ст. ст.

Прмц. Феодосии девы, Константинопольской. Блж. Иоанна, Христа ради юродивого, Устюжского. Обретение мощей прп. Иова, в схиме Иисуса Анзерского. Сщмч. Иоанна диакона и мч. Андрея. Свт. Луки исп., архиеп. Симферопольского. Память I Вселенского собора. Мц. Феодосии девы, Тирской. Иконы Божией Матери, именуемой «Споручница грешных».

Молитва дня: молитва Божией Матери.

О Владычице Преблагословенная, Защитнице рода христианскаго, прибежище и спасение притекающих к Тебе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многии образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моей представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием ко Твоему благоутробию. О Всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твой, есть воистинну Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистину бо несть человеком иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда и, Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблуждшему и падшему в тимение глубины, не возгнушайся мене, сквернаго, не презри грешнаго моления моего, не остави мене, окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моей; яко да и аз со всеми, получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.