Различные записки и выписки
Шрифт:
Иоан. Злат. Непрестанно пребуди во имени Господа Иисуса, яко да поглотит сердце Господа, и Господь сердце, и будет два во едино.
12.
Святой Авва Дорофей вот что сказал: Аз ино падение не вем монаху, но от еже веровати своему сердцу.
Авва Дорофей о себе сказывает: никогда, как я сказал, не решался сделать что-либо без его совета. Иногда помысл говорил мне: не тоже ли (самое) скажет тебе старец? Зачем ты хочешь беспокоить его? А я отвечал помыслу: анафема тебе, и рассуждению твоему, и разуму твоему, и мудрованию твоему, и ведению твоему; ибо, что ты знаешь, то знаешь от демонов.
Потщитеся и вы, братие, вопрошати, и не уповать на себя.
13.
Св. Ефрем Сир. Аще кто не очистит
14. Поучение о восьми помыслах, от глав Святого Нила.
Веждь, чадо, яко восемь есть помыслов, иже вся злая содевают: чревобесие, блуд: сребролюбие, ярость, печаль безвременная, уныние, тщеславие, гордыня: сия суть борющая всякого человека. Ты же, чадо, аще хощеши победити чревобесие, возлюби воздержание, и имей страх Божий, и победишь.
Аще хощеши победить блуд; возлюби алчбу и жажду, и бдение, и воспомяни смерть, и никогда же беседуй с женою, и победиши.
Аще хощеши победити сребролюбие: возлюби нестяжание и худость.
Аще хощеши победить ярость: стяжи кротость и долготерпение; и поминай: колика злая сотвориша иудеи Господу нашему Иисусу Христу, и человеколюбивый не прогневася на ня, но паче моляшеся о них, глаголя: Отче, остави им грех сей; не ведят бо, что творят.
Аще хощеши победить безвременную печаль: никогда же опечалися за какую либо временную вещь. И аще биен будеши, или обесчестен, или отгнан: не опечалися, но паче радуйся. Тогда токмо опечалися, егда согрешиши. Но и тогда в миру, да не падеши в отчаяние и погибнеши.
Аще хощеши победить уныние: твори что либо мало рукоделье, и прочитай Божия книги, и молися часто.
Аще хощеши победить тщеславие: не люби похвалы, ниже почести, ниже добрые ризы, ниже предпочитания, ниже председания. Но паче возлюби, да тя укоряют, и охуждают, и бесчестят лжуще; и держи себе всякого грешника грешнейша.
Аще хощеши победить гордыню: что либо аще твориши, не глаголи, яко от твоего труда, или от твоего мужества бывает. Но аще постишися, аще бдиши, аще молишися, аще низу лежиши, аще поеши, аще служиши, аще поклоны многи твориши, глаголи: яко не от моего тщания, но от Божией помощи и заступления бывают.
15.
Весь свете пред Богом как ничто; и потому милость и гнев людей пред Божиим гневом и милостью, как ничто же есть.
Бог поругаем не бывает. Что посеешь, то и пожнешь.
Не корчемствуй благодатно; не говори: добр закон, но слаще грех. —Греховная сладость есть диавольская удица, влекущая в погибель.
Сладость есть мать греха; грех же есть жало смерти. Сладость есть питательница вечного червия, которая привременно увеселяет наслаждающегося ею, —после же горчее желчи творит изблевание. Что ты делаешь, человек?
Глаголет Св. Симеон Дивногорец (житие Май 24) «аще и не оскверняет пища человека; обаче скверные помыслы рождает, и помрачаете ум, вкореняет же и утолстевает страсть, и претворяет духовного человека в плотяна, пригвождающа мысли его к земным вожделениям. —Нам же, во дни и в нощи в законе Господни поучающимся, подобаете боятися, да некогда восхитимся сонными прелестями, и впадем во уныние, яко же глаголет пророк: воздрема душа моя от уныния; паче же недремлющею бодростью достоит отверзати уста на Божье славословие, да привлечем свыше благодать Святого Духа».
26. Евгария монаха, от трезвенных глав.
1. Такову подобаете быти всегда иноку, яко утре умрети имущу, и тако употребити тело, яко многия лета жити имущу. Первое бо отсекает помыслы уныния, и тщательнейшим соделывает инока, второе же здравым сохраняет тело, и равномерне соблюдает воздержанье.
2. Достигши разума и сладость от него вкусивший, не к тому духу тщеславия повинется, приводящему все сладости ему мира сего. Что бо он обещати может в жизни духовного видения? Доколе же разума не вкусихом, деятельность усердно да производим, намерение наше показуя Богу, яко вся творим познавая ради его.
3. Потребно и пути предшествовавших иноков изъявити, еже к оным направляйся, многа бо суть и содеянная и реченная ими добре. Между прочим и сие глаголет некто от оных, яко не тучная и равномерная пища, с любовью сопряженная, скоро вводит инока во пристанище бесстрастия.
4. Сретеся некто в глубокую нощь со Святым Макарием, и весьма жаждою томим, просяще у него воды пити. Он же глагола: буди доволен сенью. Мнози бо путешествующе ныне, и плавающе, и сея суть лишени. Таже упразднився разсужденьем с ним о воздержании, дерзай, рече, чадо! Аз бо в целыя двадесять лет, ниже хлеба, ниже воды, ниже сна в сытость приях; но хлеб мой ядох весом, и воду пих мерою, к стенам же мало преклонився, неколико сна восприимах.
5. Ум прельщаемый исправляет чтение, бдение и молитва. Похоть же жегомую иссушает алчба, труд и отшельничество. Ярость же возмущающую укрощает псалмопение, долготерпение и милость. Безмерная бо и безвременная маловременна суть, паче вредна и неполезна.
Из главизн Исихия пресвитера.
76. Созерцалище учения всякия добродетели есть блюдение ума.
77. Якоже чувственно вредная зряще, повреждаемся: сице и зряще умом.
81. Ученолюбив сый, буди и трудолюбив. Высокий бо разум надмевает человека.
84. Якоже бо свету не сущу, мрачна и темна вся: сице не сущу смиренномудрию, все наши тщанья по Бозе суетны и бесполезны.
17. Евагрия монаха, о подвижничестве и безмолвии.
Пс. 54, 23. 1 Петр. 5, 7. Возверзи на Господа паче печаль твою, и той о тебе промыслит. Той бо, глаголется, печется о вас. Аще бы потребно было ястий, или одежд, но усрамися от других ти приносимая прияти: сие бо есть гордости вид. Аще же и сам в сих избыточествуеши, даждь лишающемуся. Тако Бог чадом своим удомостроятися хощет. Имея убо подобающая для настоящего времени, да не печешися о будущем времени; подаст оно подобающая, ищущу ти наипаче царствия небесного и правды Божия. Ищите бо, глаголет Господь, царствия Божия и правды его, и сия вся приложатся вам. Образ безмолвия стяжевай. Не люби жити с людьми веществолюбивыми и злоодержимыми; или един живи, или со братьями невеществолюбивыми и единомудренными. С людьми бо веществолюбивыми и злообдержимыми живущий, всяко приобщится и сам злообстоянию их, и поработает человеческим повелениям и беседам суетным и иным всем лютым: гневу, печали, неистовым делом, страшным соблазном и прочим таковым злообстоятельствам. Аще же и келлия, в ней же седиши, удобообдержима молвою будет; бежи и еяе не щади, да не ослабееши по любви к ней. Вся твори, вся чини, да кого возможеши безмолвствовати, и безпопечителен быти, и тщится пребывати в воли Божьей, и во брани с невидимыми. Пребываний во граде убегай, и пустынныя терпи. Пс. 54, 8. Се бо, глаголет Святый Давид: удалихся бегая, и водворихся в пустыни. И паки глаголет: видех беззаконие и пререкание во граде. Безмолвных убо и уединенных ищи мест. Не устрашися гласа сих, аще бы и бесовские мечтания тамо увидел ты, не бойся, ниже да убежиши от поприща своей пользы. Безбоязненно претерпи, и узриши величия Божия: заступление, промысл и всякое иное извещение о спасении. Чаях бо спасающаго мя от малодушия и от бури. Пс. 54, 9. Да не победит парящая похоть произволение твое; парение бо похоти пременяет ум незлобив. Ерем. 4, 12. Многия сего рода бывают искушенья. Бойся согрешения, и в келлии твоей тверд буди.