Иоанн IV Грозный
Шрифт:
А ты б любовь нелицемерную держал к брату своему, а к моему сыну Федору, яко же рече божественный апостол Павел: "любы не завидит, любы не гордится, любы не злообразуется, не вменяет злое, не радуется о неправде, радуется же о истинне, все уповает, вся терпит, любы николи же отпадает"; яко же рече той же апостол: "аще кто о ближних своих не промышляет, веры отверглся, и есть невернаго горши".
А ты, сыне мои Федор, держи сына моего Ивана в мое место, отца своего, и слушай его во всем, как мене, и покорен буди ему во всем, и добра хоти ему, как мне, родителю своему, во всем, и во всем бы еси Ивану сыну непрекословен был так, как мне, отцу своему, и во всем бы еси жил так, как из моего слова. А будет благоволит бог ему на государстве быти, а тебе на уделе, и ты б государства его под ним не подыскивал, и на ево лихо не ссылался ни с кем, а везде бы еси с Иваном сыном был в лихе и в добре один человек. А докуды, и по грехом, Иван сын государства не доступит, а ты удела своего [3] , и ты бы с сыном Иваном вместе был заодин, и с его бы еси изменники и с лиходеи никоторыми делы не ссылался. А будут тебе учнут прельщать славаю, и богатством, и честию, или учнут тебе которых городов поступать, или повольность которую учинят, мимо Ивана сына, или на государство учнут звати, и ты б отнюдь того не делал и из-Ывановой сыновниной воли не выходил; как Иван сын тебе велит, так бы еси был, а ни на что бы еси не прельщался. А где тебя Иван сын пошлет на свою службу или людей твоих велит тебе на свою службу послати, и ты б на его службу ходил и людей своих посылал, как коли сын мой Иван велит.
3
3 Зде еще страх свой о лишении престола изъявляет.
А где по рубежам Иванова сыновня земля сошлась с твоею землею, и ты б берег того наикрепко, смотрел бы еси правды, а напрасно бы еси не задирался, и людским бы еси вракам не потакал, занеже аще кто множество богатства или земли
И ты б сына моего Ивана, а своего брата старейшаго, держал в мое место, отца своего, честно и грозно, и надежду бы еси держать во всем на бога да на него, и ни в чем бы еси ему не завидел, занеже единородные есте у своей матери.
И вы б сами себе прибежище положили, яко же рече Христос во Святом Евангелии: "иде же собрани два или три во имя мое, то есмь и аз посреде их". И аще Христос будет посреди вас для вашия любьви, нно кто может вас поколебать! Он тебе стена, и забрало, и рать, и крепость. К кому тебе прибегнуть и на кого уповать! Он тебе отец, и мать, и брат старейший, и государь, и промысленик.
И ты б, Федор сын, сыну моему Ивану, а своему брату старейшему, во всем покорен был, и добра ему хотел и во всем так, как мне и себе, и во всем воли его буди, до крови и до смерти, ни в чем ему не прикослови. А хотя будет на тебя Иванов сыновен гнев или обида в чем ни будь, и ты бы сыну моему Ивану, а своему брату старейшему, непрекословен был, и рати никакой ни вчинял, и собою ничем не боронился, а ему еси бил челом, чтоб тебя пожаловал, гнев свой сложить изволил, и жаловал тебя во всем по моему приказу. А в чем будет твоя вина, и ты б ему добил челом, как ему любо, и послушает челобитья, ино добро, а не послушает, и ты б собою не оборонялся ж, а всем бы еси печаль на радость преложа, положил на бога, занеже всяким неправдам местник есть бог.
А ты б, Иван сын, с братом своим молодшим, а с моим сыном Федором,
жил в любви и в согласии заодин во всем, по моему приказу.
И вы б, дети мои, Иван и Федор, жили в любви и в согласии заодин, и сей мой наказ памятовали крепко. Аще бо благо учнете творити, вся вам благая будет. Аще ли злая сотворите, вся вам злая сключатся, яко же речено бысть во Евангелии: "аще кто преслушает отца, смертию да умрет". Всего же болши гоните, и утвержайтеся, и разумейте от православныя веры догматех, да зде благоугодно поживши, и тамо будущих благ наследницы будете, яже око не виде, и ухо не слыша, и на сердце человеку не взыде, яже уготова бог любящим его. Бога любите от всего сердца, и заповедь его от всего сердца творите, елико ваша сила. Яко же речено бысть во евангелии: "Уподобися царствие небесное десяти девам, яже прияша светилники своя, изыдоша в сретение жениху, пять же бе от них мудрых и пять юродивых, яже приимши светилники своя, не взяша с собою елея, [мудрыя же] прияша елей в сосудех, со светилники своими; коснящу же жениху, воздремаша вси, и спаша, в полунощи же вопль бысть: се жених грядет, исходите во сретение ему. Тогда воставше вся девы тыя, украсиша светильники своя, юродивыя же мудрым реша: дадите нам от масла вашего, яко светилницы наши угасают. Отвещаша же мудрыя: егда нам и вам не достанет, идите же паче к продающим и купите себе. Идущим же им купити, прииде жених, и готовыя внидоша с ним на браки и затворени быша двери. Последи же приидоша и протчия девы, глаголюще: господи, господи, отверзи нам. Он же отвещав, рече им: аминь, глаголю вам, [не вем вас, бдите убо], яко не весте дне и часа, в он же сын человеческии приидет". И паки глаголет: "Человек некий отходя, призва своя рабы и предаст им имение свое, овому даст пять талант, овому жь два, овому жь един, комуждо противу силы его. Имый пять талант дела в них, и сотвори другия пять талант. Такожде же иже два име, приобрете им другая два. Приемый же един, вкопа его в землю и скры сребро господина своего. По мнозе же времяни прииде господь раб тех, стезався с ними словесы. И приступл пять талант приемы, принесе другую пять талант, глаголя: господи, пять талант ми еси предал, и се другая пять приобретох ими. Рече же ему господь его: добрый рабе, благий и верный, в мале бысть верен, над многими тя поставлю, вниди в радость господа своего. Приступл же два таланта приемый, рече: господи, два таланта ми еси предал, се другая два таланта приобретох ими". И сей тут же благодать прия. Закопавы же в землю прият наказание. Размыслите в сердце своем и веру имейте, яко иже глаголет, бывает, яко речет: "Глаголю вам, вся, елика аще молящеся просите, веруйте, яко приемлете, и будет вам. И егда стоите молящеся, отпущаете, и отец ваш, иже есть на небесех, отпустит вам согрешения ваша. Небо и земля преидет, словеса же моя не преидут. О дни том и о часе никто же весть, ни ангели, иже суть на небесех, ни сын, токмо отец. Блюдите, бдите, молитеся, не весте бо, когда господь дому приидет, в вечер, или в полунощь, или в петлоглашение, или утро, да пришед внезапу, обрящет вы спяща. Весте, яко царие язык господствует и велицы обладают, не тако же будет в вас, понеже аще хощет вящий быти, да будет всем слуга; иже аще хощет в вас быти старейший, да будет всем раб, яко же сын человеческий не прииде, да послужат ему, но да послужити и дати душу свою избавление за многих". Я же вам глаголю: "Иже бо аще кто постыдится моих словес, и сын человеческий постыдится его, егда приидет во славе своей и отчей Иисус Христос. И кто бо есть строитель верный и мудрый, его же поставить господь над челядию своею, даяти во време житомерие! Блажен раб той, его же пришед господь его, обрящет тако творяща, воистину глаголю вам: над всем имением [своим поставит его. Аще же речет] раб той и во сердци своем, коснить господин мой медлит приити, и начнет бити рабы и рабыня, ясти же и пити и упиватися, приидет господин раба того в день, в онь же не чает, и в час, в он же не весть, опровергнет его и часть его с неверными положит. Той же раб, ведый волю господина своего, и не сотворив, биен будет много, не ведавый же сотворив, достойная мзду приимет: всякому ему же дано будет много, много взыщится от него, и ему же предаша множайша, просят от него".
И паки рече Иисус: "человек некий сотвори вечерю велию, и зва многи, и посла раб своих в год вечери рещи званным: грядите, яко же уже готово суть вся. И начаша вкупе отрицатися вси. Первый рече: село купил и имам нужду изыти и видети, молю ти ся, имей мя отреченна. И другий рече: супруг волов купих пять, и иду искусити их, молю ти сь, имей мя отреченна. И другий рече: жену поях, и сего ради не могу приити. И шед раб той, поведа господину вся сия. Тогда разгневася дому владыка, рече рабу своему: изыди скоро на распутия и стогны града, и ннщия, и бедныя, и слепыя, и хромыя введи семо. И рече раб: се есть, яко же повеле, и еще есть место. И рече господин к рабу: изыди на роспутия и халуги, убеди внити, да наполнится дом мой. Глаголю бо вам, яко ни един мужей тех званных вкусил моея вечери, мнози бо суть звани, мало же избранных. И паки: „Человека два внидоста в церковь помолитися, един фарисей, а другий мытарь. Фарисей же став, сице в себе моляшеся: боже, хвалу тебе воздаю, яко несмь, яко же прочии человецы, хищницы, неправедницы, прелюбодее, или яко же сей мытарь; пощуся два краты в суботу, десятину даю всего, елика притяжу. Мытарь же издалече стоя, не хотяше ни очию возвести на небо, но бияше в персии своя, глаголюще: боже, милостив буди мне, грешнику. Глаголю вам, яко сей изыде оправдан паче онаго, яко всяк возносяйся смириться, смиривыйся вознесется. Яко же воздадите убо, яже кесарева кесареви, и яже божия богови. Не посла бо бог сына своего в мир, да судит мирови, но да спасется им мир; веруя в он не будет осужден, а не веруя уже осужден есть, яко не верова во имя единороднаго сына божия. Се есть суд, яко свет прииде в мир, и возлюбиша человецы тму паче, неже свет, беша бо дела их зла. Всяк бо делая зло, ненавидит света и не приходит ко свету, да не обличатся дела его, яко лукава суть, творяй же истину, грядет ко свету, да явятся дела его, яко о бозе делани суть. Аще кто мне служит, и мне да последствует, иде же есмь аз, ту и слуга мой будет, и аще кто мне служит, почтет его отец мой. И аще любите мя, заповеди моя соблюдете, и аз умолю отца, инаго утешителя вам даст, да будет с вами в веки дух истинныи. Аще кто любит мя, и слово мое соблюдет, и отец мой возлюбит его, к нему приидеве и обитель у него сотвориве". Сице убо заповеда господь нашь Иисус Христос совершати заповеди своя, совершавшим же и волю его сотворившим сице любовне о них молить и благодать подаеть. „Отче, прииде час, прослави сына твоего, да и сын твой прославит тя, яко же дал еси ему власть всякой плоти, да всяко, яже дал еси ему, даст им живот вечный. Се же есть живот вечный, да знают тебе, единаго бога, и его же посла Иисус Христа; аз прославих тя на земли, и дела соверших, еже дал еси мне, сотворю; и ныне прослави мя, отче, у тебе самаго славу, яже имех у тебе, прежде мир не бысть; и явих имя твое человеком, их же дал еси мне от мира, твои беша, и мне их дал еси, и слово твое сохраниша; ныне разумеша, яко вся, елика дал мне, от тебе суть; яко глаголы, их же дал еси мне, дах им, и тии прияша и разумеша, яко от тебе изыдох, и вероваша, яко ты мя посла, аз о сих молю, ни о всем мире молю, но о тех, иже дал еси мне, яко твоя суть; и моя вся твоя суть, и твоя моя, и прославихся в них; аз дах им слово твое, и мир возненавиде их, яко не суть от мира, яко же и аз от мира несмь; не молю, да возмеши их от мира, но да соблюдеши их от неприязни; от мира не суть, яко же и аз несмь от мира; спаси их во истинну твою, слово твое истинно есть; яко же мене посла в мир, и аз послах их в мир, и за них аз свящу себе, да и ти будут священники во истину; не о сих молю токмо, но и о верующих слове их ради в мя, да вси едино суть, яко и ты, отче, во мне, и аз в тебе, да и ти в нас едино будет, да и мир веру имет, яко ты мя посла; и аз славу, ю же дал еси мне, дах им, да будут едино яко же и мы едино естьмы; аз в них, и ты во мне, да будут совершенни во едино, и да разумеет мир, яко ты мя посла и возлюбил еси их, яко же мене возлюбил еси. Отче, их же дал еси, хощу, дондеже естмь аз, и тии будуть со мною, [да видят славу мою], ю же дал еси мне, яко возлюбил мя еси прежде сложения мира. Отче праведный, мир тебе не позна, аз же тя познах, и тии познаша, яко ты мя посла; и сказах им имя твое, и скажу, да любы, ею же мя еси возлюбил, в них будет, и аз в них". Видите, каково сие божие дарование, что убо сего любезнеишии, еже
И были есте, дети мои, Иван и Федор, в любви по сему моему наказу, заодин, неразделно, раздельны бы есте были вотчинами и казнами, а сердцем бы есте и любовию были неразделны, а никто никому ни в чем не завидел; а будет кто чем скуден, ино по любви друг друга слушал, а силою б никто ни у кого не имал, а во всяком бы еси деле были, в лихе и в добре, везде заодин, а друг бы за друга не отрекся во всяком деле не токмо что труждатися или страдати, но и кровь пролити и умерети.
И были бы есте, Иван и Федор, по моему наказу оба заедин, и во всем бы себя берегли, и жили по бозе во всяких делах. И хотя, по грехом, што и на ярость приидет в междоусобных бранях, и вы бы творили по апостолу господню: правду и равнение давайте рабом своим, послабляюще прощения, ведяще, яко и вам господь есть на небесех. Так бы и вы делали во всяких опалах и казнех, как где возможно, по разсуждению, на милость претворяли и оставливали часть душам своим, яко долготерпения ради от господа милость приимите, яко же инде речено есть: "подобает убо царю три сия вещи имети, яко богу не гневатися, и яко смертну не возноситися, и долготерпеливу быти к согрешающим". Сице аще о бозе благо поживете, и приложатся вам лета живота. Нас же, родителей своих и прародителей, не токмо что в государствующем граде Москве или инде где будет, но аще и в гонении и во изгнании будете, во божественных литургиях, и в панихидах, и в литиях, и в милостынях к нищим и препитаниях, елико возможно, не забывайте, понеже наших прародителей душ воспоминанием велику ползу нам и себе приобрящете зде и в будущем веце, и благостоянием святым божиим церквам, и на враги победа, и одоление, и государству строение, и своему животу покой и вечных благ наслаждение молитвою их происходит, понеже от отец благодать божия и благословение к вам пришедшее, наследником и чадом. И бог мира в троице славимый, буди с вами, молитвами пресвятыя и преблагословенныя владычицы нашея богородицы, заступницы христианския, и милость честнаго ея образа иконы владимерския, державы Руския заступление, во всяко время, на всяком месте, буди на вас, и всех святых всея вселенныя молитва и благословение, и руских чюдотворцов, Петра, Алексея, Ионы, Ивания, Никиты, и Леонтия, Сергия, и Варлаама, и Кирила, и Похнутия, и Никиты, и всех святых руских молитвами, и благословения всего нашего роду, от великаго князя Владимера, просветившаго Рускую землю святым крещением, нареченнаго во святом крещении Василия, и до отца нашего, великаго князя Василия Ивановича всея России, во иноцех Варлаама, и матери нашея, великия княгини Елены, и жены моей Настасии, а вашей матери, молитва и благословение буди на вас, ныне, и присно, и во веки веков. А что, по грехом, жон моих, Марьи да Марфы [4] , не стало, и вы б жон моих, Марью да Марфу, а свои благодатныя матери, поминали во всем по тому, как аз уставил, и поминали бы есте их со всеми своими родители незабвенно. А будет бог помилует, и государство свое доступите, и на нем утвердитеся, и аз благословляю вас. Ты, сын мой Федор, держи сына моего Ивана в мое место, отца своего, и слушай его во всем. А ты, сын мой Иван, держи сына моего Федора, а своего брата молотшаго, без обиды, и буди ему во всем в мое место.
4
4 Зде упоминает он трех жон умерших, а именно: Анастасия Романовых, Мария Черкаских, Марфа Сабакиных, да живая Анна, по ней была Марфа Нагих, итого 5. А Курпский в "Истории" показует: прежде сея Анны бысть 5 жен.
Благословляю сына моего Ивана крест, животворящее древо, большей цареградской. Да сына же своего Ивана благословляю крест Петра чудотворца, которым чудотворец благословил прародителя нашего, великаго князя Ивана Даниловича, и весь род наш. Да сына же своего Ивана благословляю царством Руским, шапкою мономаховскою, и всем чином царским, что прислал прародителю нашему, царю и великому князю Владимеру Мономаху, царь Константин Мономах из Царяграда. Да сына же своего Ивана благословляю всеми шапками царскими и чином царским, что аз промыслил, и посохи, и скатерть [5] , а по немецки центурь.
5
5 Скатерть что значит неизвестно, а видно, что между регалиями полагалась.
Да сына же своего Ивана благословляю своим царством Руским, чем мя благословил отец мои, князь великий Василей, и что мне бог дал. Даю ему город Москву, с волостми, и станы, и с путми [6] , и с селы, и з дворы с гостиными и посадскими, и с тамгою [7] , и с мытом, и с торги, и с лавками, и с дворы гостиными, и со всеми пошлинами, и с Добрятинским селом и с бортью, и с Висильцовым столом, и с числяки, и с сродницы [8] . Да ему ж даю село Сомчинское с дворы городскими, и с Самсоновым лугом, да село Воробьево, и с Володимерским, и с Семеновским, и с Воронцовым, и с Кадашевым [9] , и с деревнями, как было при мне. Да ему жь даю село Аминево, да село Хорошово, со всем, по тому, как было при мне. Да ему жь даю на Сетуне село Волынское с деревнями, со всем, потому жь, как было при мне. Да ему жь даю село Воронцово, с дворы городскими, по обе стороны реки Яузы, и с мелницами, как было при мне, да манастырь Лыщиков, и с дворы. Да ему жь даю слободку Калычевскую и с лугом, что было, за дядею моим, за князем Андреем Ивановичем, и за сыном его, за князем Володимером Андреевичем, да селы у Москвы, Сараевым, Едниским, Карташевым, Ясеневым, да под Москвою жь, что был есми променил князю Володимиру Андреевичу, селом Собакиным да селом Туриновым. Да сыну же моему Ивану даю Замосковские волости, что было за дядею, за князем Андреем Ивановичем, и за сыном его, за князем Володимером Андреевичем, волостью Раменейцов, волостью Загарье, волость Кунье, волость Вохна, волость Ена, волость Гуслицы, волость Гжель, и с селы подъесными, которыя в тех волостях.
6
6 Путь просто значит дорога, но зде разумеется доход, от того произошло, что прежде для походов полагали дани путевые, с чего доходы тут названы, да и денги именовали путь, как то еще на многих тиснением изображено.
7
7 Томга по татарски значит печать или знак, но разумеется и положенная подать, как то видно из грамот татарских и гистории, что часто поголовные денги именуют тамгою, которые тогда положены по гривне с головы, могущей луком владеть.
8
8 Вислово сто, числяне и родницы что значит, мне неизвестно, однако ж видно, что некоторые слободы, к Москве принадлежащие, так именованы были, равно же село и луг Самсоновской, разве по старым книгам писцовым сыщется, понеже потом для церквей имена переменили.
9
9 Володимирское на Кулишках, Семеновское Воронцово и Кодашево – все ныне внутрь Москвы.
А сын мой Иван держит на Москве болшаго своего наместника, по старине, как было при отце моем, при великом князе Василье Ивановиче всея России, и как было при мне, а другова наместника держати на трети на княжь Володимерской Андреевича Донскаго на Москве жь. Которые мои дворы на Москве, внутри города, и на посадех, и сады мои все, и пустыя места по посаду, за моими бояры, и князьми, и за детми боярскими, и за дворянами моими, и за приказными людми, и за конюхи, и за моими мастеры, и слободы стрелецкие, и ямския слободы, те все сыну моему Ивану. А у кого будут у бояр, и у князей, и у детей боярских внутри города на Москве, и за городом, и на посадах дворовых, и вотчинные, и купчие вотчинные, или у кого будут грамоты жалованныя на дворы отца, великаго князя Василья Ивановича, и сын мой Иван в те у них дворы не вступается.
А волости Московские, Рогожь, Вори, Корзенева, Шерна город, Сулешино, и с Новым селом, сыну же моему Ивану. Да ему жь волость Сурожик, да Лучинское, да Радонежь, с волостми, и с путьми, и с селы, и со всеми пошлинами, да треть Мушкова с мытом с Лопским.
Да сына же своего Ивана благословляю своими великими княжествы, чем меня благословил отец мой, князь великий Василий Ивановичь. Да ему жь великия княжества: город Володимер с волостми, и с путьми, и с селы, со всеми пошлинами, и с Муромским селцом, и с Шатуром, и с Колужским, и с Вышелесом, и Островом, и с волостью с Крысинским, и со всем, по тому, как было при мне. Да сыну же моему Ивану даю к Володимеру в Стародубе в Ряполовим Стародубских князей вотчины, которые остались за мною у князя Михаила Воротынскаго: село Антиохово, да село Воскресенское, да село Новые Земенки, что было князь Федора да князь Ивана Гундоровых, да село Старые Меховицы, что было Романа Гундорова, да село Могучее, что было князь Ивана Пожарскаго Меньшова, да село Воскресенское, что было князь Никиты Тулупова, да село Серицы, да село Татарово, что было князь Петра Шарапова Ромадановскаго, да село Троицское, да село Фалеево, что было князя Тимофея да князя Ивана Пожарских, да село Андреевское, что было князя Василья Коврова, да село Рожественское, да деревня Каменное, да три села Васильева, что было князь Ивана князь Семенова сына Пожарскаго, да деревня Ковернев, и иныя деревни, что были князь Ивана княжь Андреева сына Коврова, да село Нестеровское, что было князь Ивана Меньшова, князь Ивана сына Кривозерскаго, да село Александровское, да село Устиновское, да село Овсяниково, что было князь Андрея Кривозерскаго с братиею, да село Хряпово, да село Мицыно, что было князь Федора Ромодановскаго, да село Матвеевское, да село Яблонцы, что было князь Михаила Ромодановскаго, да село Татарово, да село Никольское, что было князь