Скифская история

Лызлов Андрей

Стрийк<ов-скнй>, книга 20, лист 661.

Кром<ер>, книга 29, лист 565.

Другаго же пашу имянем Амeзу, грека прежде бывша, ко острову Родискому посла, хотя обладати им. Иже пришед под началный град острова того крепко добываше его, но ничтоже успев с великою тщетою и постыдением возвратися к султану.

Гвагнин,

О разных краех, лист 77, л. 247об.

Иже сам тогда же с третием величайшим воинством изыде на солтана египетскаго 81, хотящи его покорити. Но не сконча тщетнаго помысла своего, ибо идущи на Египет во граде Никополе душу

свою изверже.

Бяше сей наисчастливейший всех прежде себе бывших султанов; а то грех ради общенародства и несогласия христианских обладателей убо сей мучитель дванадесять царств или государств приоблада к государству, его же прият от предков своих.

л. 247об.

Не всюду же убо бранию одолеваше, но множае клятвопреступлением во время обещаннаго покоя. И прият до двоюсот прекрепких твердынь, их же недобытными и неприступными мнеша быти христиане; но сего суровейшаго онагра никоя крепость возможе удержати || и от всеядных челюстей его избыти.

Кром<ер>,

книга 29, лист 556.

Пребысть же убо сей на обладании у турков до взятия и по взятии Константинополском лет тридесят два. Последи себе оставил двух сынов, Баозита и Селима, его же неции Зизимом называли.

Баозит 2,

9 султан турецкий

По смерти онаго несытаго анагра, Махомета султана глаголю, мало нечто прилежащия к турком христианския страны покоя приобретоша, а то сицевым образом.

Кром<ер>,

книга 29, лист 565.

Стрнйк<овскнй>, книга 20, лист 661

По смерти бо онаго два сына его, Баозит и Зизим или Селим, хотящии кийждо от них един государством обладати, войну между собою <простроша> к. Такожде и л воинство турское надвое разделишася: едини хотяху Баозита султана имети, другия меншаго брата его Селима.

л. 248

И в таковом несогласии битву злу между собою соделаша, идеже Селим с воинством своим побежден бысть от Баозита, || убежа к египетскому султану и от него помощь и надежду приимши, совокупив воинства, паки з братом си Баозитом брань состави, но и паки побежден бысть и едва смерти гонзнув на остров Родисский ко христианом, аще и противным си, убежа.

* Тамо же.

И оттуда от началника воев родисских послан бысть {228} в Рим, его же на пути прият краль францужский 82, и в пути том смертию от отравы скончася, повелением, яко пишет Кромер историк *, Инокентия Осмаго папы римскаго.

2* Лист 258.

Белский пишет 2*, яко и к папе довезен бысть и тамо отравою уморен. Но яковым убо образом ни скончася, брату же старейшему Баозиту кроме всякия препоны обладателства уступил.

л. 248об.

Егда же таковым образом обрете Баозит покой во обладании своем, тогда лета 6992-го собрався с великим воинством поиде землею и морем на Волоскую землю и на Бессарабию, хотящи мститися срамоты отца своего, юже подъят от Стефана воеводы волосскаго и под Белым градом от христианскаго || же воинства.

Стрийк<овский>, книга 21, лист 662.

Стефан же воевода, слышав таковая, во ужас впаде, и того ради, дабы приобрел помощь некую, поддадеся под державу краля

полскаго Казмера и обещание в том верное ему учини. От него же приим в помощь три тысящи поляков, отъиде в Волосскую землю и тамо елико можаше пропивляшеся турком, в тесных местех губящи их, ибо явною бранию не дерзаше с ними множества их ради и неравности снитися.

Всяко же Баозит султан не вотще толикия воинства производил тамо, ибо пришед в Волосскую землю облада град Килию [иже от древних греков Лифостротон назван мнят неции быти], такожде Монкаструм (иже и Белъград Волосский называется, стоящий на устиах Днестра реки], аще и со тщетою воинства своего. Стран же тамошныя презелно повоевал, и едва совершенно не покори, изыде от земли Волосския.

Кром<ер>,

тамо же.

Белский,

книга 4, лист 258.

л. 249

И поиде с воинством на султана египетскаго, хотящи мститися над ним, яко давал помощь на него брату его Селиму. Но тамо не наследова счастия отцова, || ибо бывши у него брани с султаном египетским, престрашно побежден бысть, идеже вся его янчарская пехота на побоищи оном избиена осталась, яко последи того никогда нигде не бяше таковыя победы на турков.

Имяше бо тогда султан египетский в воинстве своем мамалюхов [суть то народ мyринский] 83, иже бяху новообрезанныи по закону махометскому и зело мужественно бишася с турки.

Кромер,

книга 30, лист 574.

Последи тоя победы Баозит султан яко хитрый лис боятися начат христианских обладателей. И того ради лета 7001-го прислал знатных послов с немалыми подарки ко кралю полскому Иоанну Албрихту, поздравляющи его на кралевстве и желающи с поляки примирение учинити. {229}

Таже потом и от венетиан приидоша послы, побуждающи поляков на турков. Того ради краль м едва не целый год задерживал турских послов. Потом примирися с ними на три лета и уверя отпустил их.

л. 249об.

Кром<ер>, тамо же.

Егда же тако улучил Баозит свободу от христианских воинств, тогда зельную войну простре на Венетийское властелство. И посла тамо многое воинство, иже плениша Албанскую || страну и град стоящий над морем Дирхах взяша; и оттуду многия пакости прочим Венетийским пределом творили.

Кром<ер>, книга 30, лист 582.

По том под правлением паши Кадума имянем множество турков в землю Карвaтскую впадоша и даже до области Загрaбии забегаху 84. Идеже венгров, и славян, и корватов противо себе идущих многое воинство победили.

Стрийк<овский>, книга 21, лист 676.

Потом лет 7006-го месяца ноемврия турецкаго воинства до седмидесяти тысящь чрез Волосскую землю в страну русскую на Подолие пленящи приидоша. Идеже вся селения около Днестра, и Галича, и инде презелно повоеваша.

Гваг<ннн>,

О Литве, лист 65.

И множае еще могли бы воевати [ибо никто с воинством поляков противо им изыде], аще бы не сам Бог изволил обратити страны те, ибо быша тогда мразы неудобостерпимыя и снеги толми велики спадоша, яко теми отовсюду окружени быша турки, никогда можаху поступити.