За наміткай гісторыі

Бутэвіч Анатоль

Аднак ні гэта, ні хадайніцтва многіх уплывовых асобаў,

не дапамагло Янушкевічу пазбавіцца ссылкі. Нават родзічы вядомага рускага гісторыка і пісьменніка Мікалая Карамзіна не маглі пераканаць Мікалая І Палкіна. І толькі калі царом стаў Аляксандр ІІ, ён дазволіў цяжка хвораму на сухоты Адольфу Янушкевічу вярнуцца на радзіму. Адбылося гэта ў чэрвені 1856 года. Як да гаючай крыніцы і найлепшых лекаў прыпаў бунтоўны падарожнік да роднай зямлі. Але і гэты магутны лекар не дапамог пераадолець хваробу. 18 чэрвеня 1857 года Адольфа Янушкевіча не стала. Пахаваны ён на дзягільнянскіх могілках ля старадаўняга Койданава.