Очерки по истории русской агиографии XIV-XVI вв.

Клосс Борис Михайлович

В то же время клирикы святыя и великыя съборныя церкве Святыя Богородица, иже въ Володимер, протопопъ съвт сътвори съ прочими попы и съ диаконы и съ клирошаны, пречистую и чюдную икону Пресвятыя Богородица взяша и понесоша от гра да Володимеря на Москву страха ради татарьска, паче же страха ради Темирь Аксакова, его же иногда в повстех слышахом далече суща под востокы солнечными, нын же близ яко при дверех приближился еси, и готовится и поощряется на ны зло. И бысть тогда мсяца августа 15 день, в самыи праздникъ честнаго Успениа и преславнаго преставлениа Пресвятыя Владычица нашея Богородица и приснодвыя Мариа, събрася весь град Володимерь, изидоша на провождение чюдныя тоя честныя иконы, ю же проводиша честно врою и любовию, страхомъ и желаниемъ, съ плачем и съ слезами далече шествие сътвориша, от великиа вры и от многыя любве и многы слезы излиаша.

Егда же принесена бысть икона сии близ града Москвы, тогда весь град изиде противу еа на стртение еа. И стртоша ю честно Куприанъ

митрополитъ и епископи и архимандрити, игумени и попы, и диакони и весь клирось и причетъ церковныи, князи и бояре, княгини и боярыни, мужи и жены, уноши и двы, и старци съ юнотами, дти и младенци, сироты и вдовици, нищии и убозии, черньци и черници, и всякъ възрастъ мужьска полу и женьска, от мала и до велика, и все много множество бещисленое народа людеи съ кресты и съ иконами, и съ еуангелиемъ, и съ свщами, и с кадилы, со псалмы и псньми и пнии духовными, паче же рещи вси съ слезами, и большие и меншие, и нсть такова, иже бы не плакалъ, но вси съ молитвою и съ плачем, вси съ въздыхании немолъчными, и рыданием и благодарениемь руц въздюще на высоту, вси моляхуся къ Святи Богородици, вопиюще и глаголюще: «О Всесвятаа Владычице Богородице, избави град сеи от нахождениа поганаго Темирь Аксака, и всякъ град и страну нашу, защити князя и люди от всякаго зла, заступая град нашь Москву от нахождениа ратныих иноплеменникъ и избави от поганых плнениа, от огня, от меча и напрасныя смерти, от ныншняя обдержащиа скорби и от печали, нашедшаа нын на насъ, и от настоящаго гнва, бды и нужда и от предлежащих сих искушении, и избави, Богородице, Своими богоприятными молитвами къ Сыну Своему и Богу нашему, и Своим пришествиемь еже к нам, к нищим и убогымъ, скорбящим и печалующим, умилосердися на скорбящая люди Твоя, на Тя бо надющеся не погибнем, но избудем Тобою от врагъ наших. Не предаи же нас, наша заступница и наша надежа, в руц врагом татаром, но избави нас от врагъ наших и противных съвты разжени, и съпостатъ наших думы разори, и козни их разруши. И во время се скорби ныншняя, нашедшая на ны, буди нам теплая заступница и скорая помощница и предстателница, да от ныншняя бды Тобою избывше, благодарно Ти взопием: Радуися, заступнице христианом непостыдная».

И тако Божиею благодатию и неизреченною Его милостию и молитвами Святыя Богородица Москва град нашь цлъ съхраненъ бысть, а Темирь Аксакъ царь възратися въспять и поиде въ свою землю. О преславное чюдо! О превеликое удивление! О многое милосердие Божие къ роду христианьскому! В которыи день принесена бысть икона Святыя Богородица из Владимеря на Москву, в тои день и Темирь Аксакъ поиде въ свою землю. В он же день изидоша из града на поле градстии народи, христианьстии събори въ стртение иконы Святыя Богородица съ плачемъ и съ молитвами и с врою и со слезами горющими, в тои же день и Темирь Аксакъ царь убояся и устрашися, и ужасеся, и смятеся, и нападе на нь страх и трепетъ, и вниде страх въ сердце его, и ужасъ въ душу его, вниде трепетъ в кости его, и скоро отвержеся и отречеся воевати Русьскыя земля и въсхытишася быстре на течение путнаго шествиа, и скоре грядяху къ Орд, а к Руси тылъ показающе. Обратишяся сердци своими пакы въ свояси, въспятишяся и възвратишяся без успха, възмятошася и въсколбашася, акы нкто устраши их.

Не мы бо их устрашили, но Богъ милосердыи человколюбець молитвами Святыя Богородица невидимою силою Своею устраши врагы наша, посла на ня страх и трепетъ да окаменятся. Не мы же их прогнахом, но яко же древле при Езекии цари и при Исаи пророц Сенахиримъ царь Асуриискыи прииде на Иерусалимъ ратию, зло похваляяся и в гордости велиц, и на Бога Вседръжителя хулныя глаголы въспущаа. Царь же Иезекиа тогда боляше, но аще и боленъ б, но обаче помолися Богу съ слезами, купно съ пророком Исаием и со всми людми. И услыша Богъ молитву их, паче же Давыда угодника Своего, и посла Богъ аггела Своего, мню же, великаго архаггела Михаила. И абие в ту нощь аггелъ Господень уби от плъкъ Асурииских 100 тысящь, 80 тысящь и 5000. На утриа же въставше, обртошя трупиа мертва лежаща. Царь же Асуриискыи Сенахиримъ в ту нощь устрашився и зло убоявся, съ останочными своими вои скоро убжа в Ниневгию, и тамо от своих дтеи убьен бысть и у мре. Да яко же тогда при Сенахирим было, тако и нын при Темирь Аксак. Единъ тои же Богъ и тогда и нын и едина благодать Божиа диствует и тогда и нын. Милостивъ бо есть Богъ и силенъ, елико хощеть и можеть. Еще и нын милость Его велика есть на нас, яко избавил ны есть Господь из рукы врагъ наших татаръ, избавилъ ны еси от сча, от меча и от кровопролитиа, мышцею силы Своея разъгналъ еси врагы нашя, сыны Агарины, рукою крпкою и мышцею высокою, и устрашилъ еси сыны Измаиловы. Не наши воеводы прогнаша Темирь Аксака, не нашя воиньства устрашили его, но силою невидимою нападе на нь страх и трепетъ, и страхом Божиимъ ужасеся и гнвом Божиим гоним бысть, потщався, отъиде от Русьскыя земля, отступивъ, поиде прочь отнюду же и прииде, а земля Русьскыя отинудь не прикоснуся, ни оскорби, ни стужи, ни вреди ея, но поиде без възъвращениа. Мы же въстахом и прости быхом, онъ заиде и ищезе, и мы ожихом, и цли быхом, сть его съкрушися и мы избавлени быхом, помощь наша от Господа, сътворившаго небо и землю.

Слышяв же князь великыи о Темирь Аксак, яко не бысть его, и вси князи прочии слышаша и вся воиньства русьскаа, и вси народи христианьстии слышашя, и прославишя Бога, и о семь велико благодарение въсилаху Богу. Потом же митрополитъ подумавъ с великым князмъ, съвтъ сътворишя, глаголюще: «Добро бы нам не забывати толикы великыа милости Божиа и Святыя Богородица помощи и заступлениа». И поставишя церковь на том мст, иджде сртошя икону Святыя Богородица, принесеную от Володимеря, купно на въспоминание таковаго великаго и многаго благодяниа Божиа, да не забудут людие длъ Божиихъ. Б же мсто то тогда было на Кучков пол близь града Москвы, на самои на велици дороз Володимерьскои. Сию же церковь сам свяща митрополитъ во имя Святыя Богородица честнаго Устртения. Уставижеся таковыи праздникъ праздновати февраля 2, а икону сртошя августа 26 день, на память святыхъ мученикъ Андриана и Наталии. И тако ту бысть монастыръ и в нем игуменъ и братиа, черньци живяху о Христ Исус.

Повесть о Темир–Аксаке в составе Типографской летописи Мазуринской редакции

Текст публикуется по списку РГАДА, ф. 196, №533.

О Темире Оксак.

Бысть в пятое на десять лто царства Тахтамышева, а в седмое лто княжения великого князя Василия Дмитреевича, индикта въ 3, а в третьее лто по Татарщин, по Московъскомъ взятии, бысть замятня велика во Орд. Приид нкии царь име немъ Темиръ Аксакъ съ восточныя страны, от Синие Орды, от Самархииския земля, и велику брань сотвори и многъ мятежь воздвиже во Орд и на Руси своимъ прихождениемъ.

О семъ убо Темир Аксак нцыи повдаша, яко не царь б рождениемъ, ни сынъ царевъ, ни племени царева, ни княжьска, ни бояръска, но тако проста единъ сыи от худых людеи, от Заецьких татаръ, от Самархиньския Орды, иже б за Желзными враты. Ремеством же б кузнецъ желзныи, обычаемъ же и дломъ немилостивъ и хищникъ, иже б преже раб былъ у нкоего своего господина, его же за злонравие его господинъ отвержеся его, отбивъ и отославъ его от себе. Он же, не имя чемъ питатися, пребываше татьбою кормяшеся. Единаче бо ему сущу и младу, во убожеств крадяше и ядяше, и еже нкогда у нкихъ украде овцу, они же абие очютиша его. Онъ же мняшеся убжати от нихъ, но скоро многими постиженъ бысть и ятъ и удержанъ бысть крпко, и биша его нещадно по всему тлу и умыслиша дати ему рану смертную, яко да убиют. И пребиша ему ногу и бедру его наполы и повергоша его яко мертва, не движущася и не дышуща, мняху убо, яко уже умре, и оставиша его псомъ на сндение и отъидоша. И не по колиц времени едва въздравися от таковыя смертоносныя раны и въставъ, перекова себе желзомъ ногу свою пребитую, и тако нуждею храмаше. И того ради прозванъ бысть Темирь Аксакомъ, Темирь бо зовется желзо, а Аксакъ зовется хромецъ, тако бо толмачатъ половецкимъ языкомъ. И таковою виною прозванъ бысть Темиръ Аксакомъ, Желзныи хромець, яко от вещи и от длъ звание приимъ и по диству имя себе стяжа.

Таже потомъ и по исцлении от ранъ и по великих тхъ побоехъ не лишихся лихаго и своего обычая перваго, ни смирилъся, ни укротился, но паче на горшее совратися и горши давнаго и пущи прежняго и бысть лютъ разбоиникъ. Потомъ же приложишася к нему юноши немилостивии и мужи суровии и злии человцы, подобни ему, таковии же разбоиницы и хищницы, и умножишася зло. И егда бысть ихъ числомъ яко сто, и наркоша его над собою старишину разбоиницы, и егда бысть ихъ числомъ до тысящи, тогда уже княземъ его зваху, и егда бол умножишася паче числомъ и многи земли поплени и многи грады и страны и царства поимавъ, тогда же бо и царя его у собя именоваху.

Сии же Темирь Аксакъ многи рати нача строити и многи брани воздвиже, многи счи показа и многи бды учини, многимъ полкомъ спротивных одол, многи грады раскопа и многи люди погуби, многи страны и земли повоева, многи области и языки поплни, многа княжения и царства покори под себе. А се имена тмъ землям и царствомъ, иже б поплнилъ Темирь Аксакъ и взя за собя: Самархантъ, Чагады, Хорусани, Голустани, Китаи, Синяя Орда, Ширазъ, Испаганъ, Орначь, Гилянъ–Сизъ, Шабранъ, Шамахи, Ссавас, Арзунумь, Тевризии, Гурзустани, Обези, Тагдаты, Темиры Сабы, рекше Желзная врата, и Асирию, и Вавилоньское царство, ид же былъ Навходъносор царь, иже плнилъ Иерусалимъ и трие отроки, Ананию, Азарию, Мисаила, и Данила пророка, и Савастию град, ид же было мучение святыхъ мученикъ 40, иже в Савастии, Армению и Дамаскъ Великии и Сараи Великии, и ины многи земли поплени. И сия имена тмъ землямъ и тмъ градомъ и тмъ царствомъ, над ними же царствова Темиръ Аксакъ, и со всх землеи с тхъ дани даютъ ему и оброки и на воину с нимъ здят.

И со всъх сихъ прежереченных странъ собравъ полки многи и тмочисленныя своя вои подвиже, приид ратию на царя Тахтамыша, и бысть имъ бои и прогна царя Тахтамыша. И оттол восхот ити на Рускую землю, к Москв християнъ воевати. И проиде всю землю Татарскую и всю Орду и прииде близъ земли и предл Рязаньских и взя градъ Елецъ, и князя Елецкаго изыма, и многи люди помучи. И се слышавъ князь великии Василеи Дмитреевичь, собравъ воя многи и поиде с Москвы х Коломн, хотя ити противу его въ сртение его. И пришедъ ратью и ста на брез у рки у Оки. Темиру Аксаку же стоящу во единомъ мсте дв недли.