Хрестоматия по истории СССР. Том 1
Шрифт:
104. КНЯЗЬ А. М. КУРБСКИЙ. ВЗЯТИЕ КАЗАНИ
Князь Андрей Курбский, изменив царю Ивану IV, написал в Литве сочинение, направленное против грозного царя и выражающее интересы боярства; в нем он описывает деяния Ивана Грозного и его жестокости по отношению к боярам. «История о великом князе Московском> представляет собой памятник тенденциозный и во многих отношениях не вполне достоверный. Однако в ней имеется и большое количество ценных сведений, особенно там, где Курбский рассказывает о событиях своей молодости, когда он еще был в дружбе с Иваном IV. Курбский принимал участие во взятии Казани, и описание этого события в его «Истории» резко отличается своим тоном от остального изложения, точно Курбский переживает свою славную юность, когда он воевал за свое отечество и еще не был изменником. Князь А. М. Курбский. История о великом князе Московском, издание Археографической комиссии, СПБ 1913.
И абие, за помощью божиею, сопротив сопостатов возмогоша воинство христианское. И
Сам царь, возревновав ревностию, начал против врагов сам ополчатися, своею главою, и собирати себе воинство множаише и храбрейшее, не хотяше покою наслажатися, в прекрасных полатах затворяся, пребывати, яко есть нынешним западным царем обычаи (все целыя ноши истребляти, над карты сидяще и над протчими бесовскими бреднями); но подвигся многажды сам, не щадячи здравия своего, на сопротивнаго и горшаго своего супостата, царя Казанского, единова в лютую зиму; аще и не взял места оного главнаго, сиречь Казани града, и со тщетою немалою атоиде, но всяко не сокрушилось ему сердце… И размотрив тамо положения места, паки по лете едином или дву, град тамо превеликий, зело прекрасен, абие поставити повелел на реце Свияге, от Волги за четверть мили, а от великого Казанского места аки миль пять. Так близу приближился.
И того ж лета выправя дела великие стенобитные рекою Волгою, а сам сухим путемь хотяще абие пойти. И прииде ему весть, иже царь Перекопский с великими силами на него идет, возбраняюще хождение ему на Казань; он же, аще и войско великое прежде, града поставления ради, послал, тако же и при делах множество воинов, но обаче, того ради, на Казань хождение на мало время отложил. И еще, аки бе з большою частью войска, иде сопротив предреченнаго оного врага христова, и сам стал на Оке реке, ожидающе его ко сражению брани, во едином месте; а другие войска разложил по другим градом, яже лежат при той же реце, и выведыватися повелел о нем, бо не ведомо еще было, на которое место итти мел. Он же егда услышал: великий князь стоит с войском против его, готов над надежду его (бо певне споведался, иже уже на Казань пошел), тогда возвратился и облег место великое, мураванное, Тулу, аки во штинадесяти милех от места Коломны, идеже царь християнскии лежал с войском, ждуще его; а нас тогда послал со другими о нем выведыватися, и земли от взгонов бронити; и было с нами тогда войска аки пятьнадесять тысящеи. Мы ж, приплавясь чрез великую Оку реку со многим потщанием, того дня зело скоро устремишася, и преехаша аки тринадесять миль, и положишася к нощи на едином потоце, близу стражи царя Перекопского, от града же Тулы за пол — 2 мили под нимъ же сам царь стояше. Стража же татарская утече ко царю, и поведа ему о множестве войска християнского, и мняще, иже сам князь великий прииде со всем своим войском; и тое нощи царь Татарский от града утече, аки миль осмь, в поле дикое, за три реки препроводившеся, и дела некоторые и кули потопил, и порогов и верблюдов отбеже, и войско в воине оставил…
На утро ж мы, воставши рано, поидохом ко граду [128] и положихомся с войском, идеже шатры его стояли. Войска ж татарского аки третина2, або вяще, остала была в загонех3, и шли ко граду, надеящеся царя их стояща. Егда ж разсмотриша и уведаша о нас, сполчишася противу нас. Мы ж абие срозившеся с ними, и пребывала битва аки на пол-2 годины4; потом помог бог нам християном, над бусурманы, и толико избиша их, яко зело мало осталось их, едва весть в орду возвратилась. На той то битве и сам аз тяшкие раны на телеси отнесох, яко на главе, так и на других составех.
128
Ко граду — Курбский рассказывает об отражении русскими войсками набега крымской орлы на Тулу в о походе русского войска на Казань. 2 Третина — третья часть. 3 В загонех; посылать в загоны — разослать войско в разведку, для грабежа и захвата пленных. 4 Полгодины — полчаса. 5 Тремянадесять тысящеи —13 000. 6 Позы чающе — занимая. 7 С вальным гуфом — со всем войском. 8 Шанцы — окопы, укрепления. 9 Гетман — воевода. 1 °Cенаты — вероятно, ошибка: сеиты, т. е. казанские старшины. 11 Стратилатов — полководцев.
Егда же возвратихомся ко цареви нашему, со пресветлым одолением, он же тогда повелел опочивати оному утружденному войску аки 8 дней. И по осми днях, сам поиде с воинством х Казани, на место великое, глаголемое Муром, еже лежит от поля уже х крайне, х Казанским пределом, и оттуду, чрез поле дикое, аки месяц шел ко оному предреченному новому граду, поставленному на Свияге, идеже воинство его ждало с великими делы и со многими запасы, яже приплыша Волгою, рекою великою. А нас тогда послал, со тремянадесять тысящеи5 люду, чрез Резанскую землю и потом чрез Мещерскую, идеже есть Мордовский язык. Потом препроводясь, аки за три дни, Мордовские лесы, изидохом на великое дикое поле и идохом от него по правой руце, аки в пяти днях конем езду; понеже мы заслониши его тем войском, еже с нами шло, от Заводских татар (бояшебося он, да не при-идут на него безвесно те княжата Нагаиские); и аки бы по пяти неделях, со гладом и с нуждою многою, доидохом Суры реки великие, на устья Борыша речки, идеже и он в том же дни с воиски великими прииде. И того дни хлеба сухаго наядохомся со многою сладостию и благодарением, ово зело дорогаго купуюше, ово позычающе6 от сродных, и приятель и другов; бо нам его было не стало аки бы на 9 дней, и господь бог препитал нас и войско, ово рыбами, ово иными зверьми, бо в пустых тех полях зело много в реках рыб.
Егда же преплавишася Суру реку, тогда и черемиса горняя, а по их чуваша зовомые, язык особливый, начаша встречати по пяти сот и по тысяше их, аки бы радущеся цареву пришествию (понеже в их земле поставлен он предреченный град на Свияге). И от тое реки шли есмя войском 8 дней, полями дикими и дубровами, негде же и лесами; а сел со живущими, зело мало, понеже у них села при великих крепостях ставлены и незримы, аще и поблизку ходящим. И ту уже нам привожено и, по странам ездя, добывано купити хлеба и скотов. Аще и зело дорого плачено, но нам было, яко изнемоглым от гладу благодарно (а малвазии и любимых трунков з марцыпаны тамо не воспоминай! Черемискии же хлеб сладостнеишии, паче драгоценных колачеи, обретеся), и наипаче же сего ради, иже подвизахомся за отечество правоверного христианства, сопротив врагов креста христова, паче же вкупе со царем своим; сие было всего благодарнейши и радостейши, и не чюлось ни единые нужды, друг пред другом к добрым подвигом ретящеся; наипаче же сам господь бог помогал нам…
И абие в той день обступихом место и град бусурманскии полки христианскими и отняхом ото всех стран пути и проезды ко граду: не возмогли они никако же ни из града, ни во град прехо-дити…
Сам же царь с вальным гуфом7, або со множеством воев, стал от Казани, аки за версту, або мало больши от града, с приходу своего от Волги, на месте на погористом. И сицевым чином месты и грады бусурманския облегоша. Царь же Казанский затзорися во граде, со тремадесять тысящеи избранных своих воинов и со всеми Карачи духовными их и мирскими и з двором своим; а другую половину войска оставил вне града на лесех, такоже и те людие, яже Нагаискии улубии прислал на помощь ему, а было их аки две тысящи и колько сот. И по трех днях начаша близу места шанцы8 ставити. Того бусурманы зело возбраниша, ово биюще со града, ово, вытекаюше, вручь секошася, и падоху со обою стран множество люду…
Во утрие же, аки на третий године дня, изыдоша на великое поле, глаголемое Арское, от лесов полки бусурманские, и первие удариша на родмистров, яже на стражех в полцех стояще, коим было заповедано уступити им, уклоняющеся, яже до шанцов; они же уповающе, аки боящеся християне побегоша, гнаша за нами. Егда же втиснуша их уже в обоз, тогда начаша под шанцами круги водити и герцовати, стреляюще из луков, по подобию частости дождя; овы же, во устроению мнозем, по малу полки грядуще, конные и пешие, аки уже християн пожрети хотяще. Тогда убо, тогда, глаголю, изыдоша абие гетман9 с войском християнским, тако же во устроению мнозем, и приближишася со тщанием ко сражению. Видевше же бусурманы, и рады бы назад к лесу, но не возмогоша, уже бо далеко отъехали от него на поле; но обаче, хотяще и нехотяще, дали битву и крепце сразишася со первыми полки. Егда же надспел великий полк, в немже сам бяше гетман, такоже и пешие полки приближашася, обходяше их, ноипаче от лесу, тогда абие в бегство обратишася все полки их: християнское же воинство гониша за ними, биюще их, и яко на пол-2 мили трупия бусурманского множество лежаше, и к тому аки тысячю живых поимаша…
А естьли бы писал по ряду, яко тамо под градом на кождыи день деялось, того бы целая книга была…
Егда же, по скончанию седми недель от облежения града, заповедано нам, еще во дни, утреннои зари ждати до востока солнца, и поведено готовлятися во всех стран ка штурму, и дано таково знамение: егда взорвут стену порохи, яже в подкопе; бо было в другии раз подкопано и засажено 48 бочек пороху под теною мескою, и большую половину войска пешого ко штурму послано; аки же третина войска всего, або мало больши, на полю осташася, паче же стрегуща здравия царева. Мы же, по поведенному, рано к сему уготовавшеся, аки за две годины еще до зори, бо аз тогды послан был к нижайшим вратом, с верху Казани реки, приступати, а со мною было дванадесять тысещеи войска. Ото всех же четырех стран тако же устроено присылных и храбрых мужей, некоторых и з большими почты. Царь же сие Казанские и сенаты10 его уведали о сем, и так же на нас уготовались, яко же и мы на них.