Чтение онлайн

на главную - закладки

Жанры

Службы Великого поста. Великий Канон Андрея Критского. Мариино стояние. Двенадцать Страстных Евангелий
Шрифт:
Песнь 4

Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.

Дел Твоих да не презриши, создания Твоего да не оставиши, Правосуде, аще и един согреших, яко человек, паче всякаго человека, Человеколюбче: но имаши, яко Господь всех, власть оставляти грехи.

Приближается, душе, конец, приближается, и нерадиши, ни готовишися: время сокращается, востани, близ при дверех Судия есть. Яко соние, яко цвет, время жития течет: что всуе мятемся?

Воспряни,

о душе моя! Деяния твоя, яже соделала еси, помышляй, и сия пред лице твое принеси, и капли испусти слез твоих: рцы со дерзновением деяния и помышления Христу, и оправдайся.

Не бысть в житии греха, ни деяния, ни злобы, еяже аз, Спасе, не согреших, умом и словом, и произволением, и предложением, и мыслию, и деянием согрешив, яко ин никтоже когда.

Отсюду и осужден бых, отсюду препрен бых аз, окаянный, от своея совести, еяже ничтоже в мире нужнейше [10] :

10

Здесь: строже.

Судие, Избавителю мой и Ведче, пощади, и избави, и спаси мя раба Твоего.

Лествица, юже виде древле великий в патриарсех, указание есть, душе моя, доятельнаго восхождения, разумнаго возшествия: аще хощещи убо деянием, и разумом, и зрением пожити, обновися. (Быт. 28, 12)

Зной дневный претерпе лишения ради патриарх, и мраз [11] нощный понесе, на всяк день снабдения творя, пасый, труждаяйся, работаяй, да две жене сочетает. (Быт. 30, 31, 40)

11

Мороз.

Жены ми две разумей, деяние же и разум в зрении: Лию убо деяние, яко многочадную, Рахиль же разум, яко многотрудную: ибо кроме трудов [12] , ни деяние, ни зрение, душе, исправится.

Слава, Троичен: Нераздельное Существом, неслитное Лицы, богословлю Тя, Троическое Едино Божество яко единоцарственное и сопрестольное, вопию Ти песнь великую, в вышних трегубо песнословимую.

И ныне, Богородичен: И раждаеши, и девствуеши, и пребывавши обоюду естеством Дева: Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо елика хощет.

12

Без трудов.

Песнь 5

Ирмос: От нощи утренююща, Человеколюбие, просвети, молюся, и настави и мене на повеления Твоя, и научи мя, Спасе, творити волю Твою.

В нощи житие мое преидох присно, тьма бо бысть и глубока мне мгла, нощь греха: но яко дне сына, Спасе, покажи мя.

Рувима подражая, окаянный аз, содеях беззаконный и законопреступный совет [13] на Бога Вышняго, осквернив ложе мое, яко отчее, он. (Быт. 35, 22)

13

Заговор,

умысел.

Исповедаюся Тебе, Христе Царю: согреших, согреших, яко прежде Иосифа братия, продавший чистоты плод и целомудрия. (Быт. 37, 28)

От сродников праведная душа связася, продася в работу сладкий, во образ Господень: ты же вся, душе, продал ася есй злыми твоими.

Иосифа праведнаго и целомудреннаго ума подражай, окаянная и неискусная душе, и не оскверняйся безсловесными стремленьми, присно беззаконнующи.

Аще и в рове поживе иногда Иосиф, Владыко Господи, но во образ погребения и востания Твоего: аз же что Тебе когда сицевое принесу?

Слава, Троичен: Тя, Троице, славим, Единаго Бога: Свят, Свят, Свят еси Отче, Сыне и Душе, простое Существо, Единице присно покланяемая.

И ныне, Богородичен: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.

Песнь 6

Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.

Слезы, Спасе, очию моею, и из глубины воздыхания чисте приношу, вопиющу сердцу: Боже, согреших Ти, очисти мя.

Уклонилася еси, душе, от Господа твоего, якоже Дафан и Авирон: но пощади, воззови из ада преисподняго, да не пропасть земная тебе покрыет. (Числ. 16, 32)

Яко юница, душе, разсвирепевшая, уподобилася еси Ефрему, яко серна, от тенет сохрани житие, вперивши деянием ум и зрением. (Иер. 31, 18)

Рука нас Моисеова да уверит, душе, како может Бог прокаженное житие убелити и очистити: и не отчайся сама себе, аще и прокаженна еси. (Исх. 4, 6–7)

Слава, Троичен: Троица есмь проста, нераздельна, раздельна личне, и Единица есмь естеством соединена, – Отец глаголет и Сын и Божественный Дух.

И ныне, Богородичен: Утроба Твоя Бога нам роди, воображена по нам: Егоже яко Создателя всех моли, Богородице, да молитвами Твоими оправдимся.

Господи, помилуй. (Трижды.) Слава, и ныне:

Кондак, глас 6

Душе моя, душе моя, востани, что спиши? Конец приближается, и имаши смутитися. Воспряни убо, да пощадит тя Христос Бог, везде сый и вся исполняяй.

Песнь 7

Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам: но не предаждь нас до конца, отцев Боже.

Согреших, беззаконновах и отвергох заповедь Твою, яко во гресех произведохся [14] , и приложих язвам струпы себе: но Сам мя помилуй яко благоутро-бен, отцев Боже.

Тайная сердца моего исповедах Тебе, Судии моему: виждь мое смирение, виждь и скорбь мою, и вонми суду моему ныне, и Сам мя помилуй яко благоутробен, отцов Боже.

14

Здесь: родился.

Поделиться:
Популярные книги

Идеальный мир для Лекаря 10

Сапфир Олег
10. Лекарь
Фантастика:
юмористическое фэнтези
аниме
5.00
рейтинг книги
Идеальный мир для Лекаря 10

Бестужев. Служба Государевой Безопасности. Книга четвертая

Измайлов Сергей
4. Граф Бестужев
Фантастика:
попаданцы
аниме
фэнтези
5.00
рейтинг книги
Бестужев. Служба Государевой Безопасности. Книга четвертая

Светлая тьма. Советник

Шмаков Алексей Семенович
6. Светлая Тьма
Фантастика:
юмористическое фэнтези
городское фэнтези
аниме
сказочная фантастика
фэнтези
5.00
рейтинг книги
Светлая тьма. Советник

Лисья нора

Сакавич Нора
1. Всё ради игры
Фантастика:
боевая фантастика
8.80
рейтинг книги
Лисья нора

Калибр Личности 5

Голд Джон
5. Калибр Личности
Фантастика:
попаданцы
альтернативная история
аниме
5.00
рейтинг книги
Калибр Личности 5

(Не)нужная жена дракона

Углицкая Алина
5. Хроники Драконьей империи
Любовные романы:
любовно-фантастические романы
6.89
рейтинг книги
(Не)нужная жена дракона

Сердце Дракона. Том 10

Клеванский Кирилл Сергеевич
10. Сердце дракона
Фантастика:
фэнтези
героическая фантастика
боевая фантастика
7.14
рейтинг книги
Сердце Дракона. Том 10

Белые погоны

Лисина Александра
3. Гибрид
Фантастика:
фэнтези
попаданцы
технофэнтези
аниме
5.00
рейтинг книги
Белые погоны

Как я строил магическую империю

Зубов Константин
1. Как я строил магическую империю
Фантастика:
фэнтези
попаданцы
аниме
5.00
рейтинг книги
Как я строил магическую империю

Повелитель механического легиона. Том VII

Лисицин Евгений
7. Повелитель механического легиона
Фантастика:
технофэнтези
аниме
фэнтези
5.00
рейтинг книги
Повелитель механического легиона. Том VII

Я князь. Книга XVIII

Дрейк Сириус
18. Дорогой барон!
Фантастика:
юмористическое фэнтези
попаданцы
аниме
5.00
рейтинг книги
Я князь. Книга XVIII

На границе империй. Том 10. Часть 2

INDIGO
Вселенная EVE Online
Фантастика:
космическая фантастика
5.00
рейтинг книги
На границе империй. Том 10. Часть 2

Вечный. Книга I

Рокотов Алексей
1. Вечный
Фантастика:
боевая фантастика
попаданцы
рпг
5.00
рейтинг книги
Вечный. Книга I

Отморозок 3

Поповский Андрей Владимирович
3. Отморозок
Фантастика:
попаданцы
5.00
рейтинг книги
Отморозок 3