Виршевая поэзия (первая половина XVII века)

Коллектив авторов

Послание Ивану Киприановичу

Премилостивый бог пречистыми своими усты глаголет: о моем имени всяк просяй приемлет. Щедроты своя божественныя тому воздает, аще кто требующим изобилие подает. Двери милосердия своего тому отверзает, иже кто о сем на него упование пологает. Ища, иже о имени его, всяк полезная обретает, всех же надеющихся на нь тщих не оставляет. Аще кто кому во здешних покажет свою милость, не оставит того тща божия благость. Кто хощет человеколюбие божие себе получити, инех, требующих полезная, не имать отлучити. Прошения нашего тща вконец не отверзи, руку свою прещедрую к ползе нашей разверзи. Инако же нам и обрести себе помощи невозможно, аще твоей благости не имам стужати достодолжно. Неудобно есть нам о сем намнозе стыдетися, о нем же хощет неможение наше довлетися. Ваше убо, воистинну ваше, еже щадети худость нашу, наше же убо, вправду наше, еже получати милость вашу. Что же имам паче сего пред тобою сотворити, великую твою себе милость чем могу получити? Егда же предивную свою милость на мне удивиши, лютых наших и нуждных сим премениши. Инаго же о сем тебе, государю, ходатая не обретаю, бытию всея твари содетеля свидетеля тебе поставъляю. Тебе, государю, возможно вся сия сотворити, и мою убогую ногу на желания месте утвердити. Елицы сопротивнии беша, ужели победишася, творящии же злая от среды вси потребишася? Радость соединителная во всех ужели наста, убийства междоусобная в мире всяка ли преста? Шатание вражие ужели во благо пременися, крови християнские произлитье ужели уставися? Аще ли же изволит благонравие твое нам извести, со всеми нами радостная творити нас взусти. Аще

ли же мы днесь сами и в печале мнозе пребываем, милости же вашея, еже на нас, древния не забываем. Свое на мне милосердие и впредь имей непременно, о нем же многим возвещати учну непрестанно. Нашея же худости и сего ведети не лиши, о всех же сущих настоящих, яже о тебе, отпиши. Великая убо ваша в великих вся ли возможна, честная же в вышних доселе вся ли непреложна? Егда же восхощет ведати, еже о нас, благонравие ваше, люто есть и бедно яже зде пребывание наше. О сем убо молю: аще можеши, сердце наше возвесели, места еже от зде сущих в благость с тово пресели. Безмерная злая на всех нас доселе быша, Их же внесе злочестивый еретик рострига Гришка [292] . Еще веде мню — не вся сия совершишася, которая от тварей треклятому Сатурнусу подклонишася [293] .

292

...еретик рострига Гришка. — Самсонов придерживается версии, что Лжедмитрий I был беглым иеродьяконом Чудова монастыря, Григорием Отрепьевым.

293

...треклятому Сатурнусу подклонишася. — Сатурн (бог времени), во имя сохранения верховной власти пожиравший своих детей; в римской мифологии отождествлен с греческим Кроносом.

Послание Григорию Евдокимовичу

Глава благоразумных всеми венчается, род же правых всегда благословляется. Идеже бывает смиренномудрия венец, гордость же тамо всяка низлогается вконец. Основание незыблемо в вере кто Христа имеет, радости же вечныя $шети никогда же оскудеет. Идеже наказание старейших водворяется, тамо же юность утвержение является. Елицы убо от юности благости навыкают, таковым в старости велицы чести себе сподобляют. Доброта духовная юностныя красоты не повреждает, о ней же кто прилежа, милости божия приплождает. Красота юности — отчее наказание, и цвет чистоты во младости — матеръне поучение. Мудрости убо всякия навыкают во юности, о ней же многу похвалу приемлют во старости. Внимай же, возлюбленне о господе, моим словесем, и поучайся не пресътая, со усердием, благим делесем. Честь превелию от бога и от человек себе получиши, юже стяжав, и иных добродетели творити научиши. Радость тогда о тебе родившии тя восприимут, аще тобою пред многими хвалитися имут. Делы благими всегда, возлюбленне, обогащайся, от сих же всячески в добродетелех поучайся. Во всех человецех честь великую восприимеши, аще во юности целомудр нрав стяжеши. Тайну убо царския державы со усердием сохраняй и порученную ти от началствующих службу выну исправляй. Сановником же царстей власти во всем покоряйся, аще же ти возможно, то всегда с ними водворяйся. Повинуйся во всем, иже над тобою старейшим, елико повелевают творити вам, юнейшим. Твори благая, от них же приимеши угодная, разум истинный стяжи, от него же получиши тако же удобная. Уши свои отвращай слуха суетна не приимати, шептания тщетна и срамословия не внимати. Аще хощеши в сан величества достигнути, слово льстиво от сердца подобает ти изрыгнути. Аще ли восхощеши в мире сем жити немятежно, мир и любовь со всеми имей и слово глаголи утешно. Славу от всех аще восхощеши получити, от всех сих, яже восписую ти, понуди себе научити. Не влогай себе во юности во многое пиянство, от него же бывает и в старости многое неудобство. Винопитие же вмале приобщающихся услажает, чести и похвалы вечныя от всех лишает. Еще же к сим иныя добродетели исправити потщися, лютости же безмерныя и буести лишися. О прочих же, яже слышу о вас, сердцем болезную, мню бо, яко преобидел еси нашу любовь союзную. Болши же всего почитай отца и матерь яко бога, их же молитвами даст ти ся от бога мзда многа. Егда же сие писание делом исполниши, тогда сердце мое радости многия наполниши.

Послание Михаилу Игнатьевичу

Милостиваго ти и богоподобнаго о таковых просим нрава, их же есть о всех непрестанная слава, хваление убо наше их благородию недостижно, аще и хощем коснутися, но невозможно. Инорога ли тя святости того добродетели уподобим [294] , ли еленстеи быстрости равна в разуме того поставим? Ущедряет бо нас его безмерная милость, и многоскорбную нашу всячески утоляет бедность. Горняя убо сих ради от бога славы получити желают, нас же попремногу в скудости наслаждают, аще бо и сана величества от бога сподобляется, твердейшим смиренномудрием всем сообносится. И кто убо может таковаго словом похвалити, его же мы зрением не можем себе насладити? Всех убо всеми всяко попремногу обогащает, и множайших множайшими выну исполняет, честнии бо о нем великой чести сподобляются, убозии же в скудости потребных от сего исполняются. Равно убо таковому от честных обрести не можем, аще и многих благородных исчести возможем, дивитися точию нам зело о сем подобает, о нем же наше спасение невредимо бывает, во едином убо велию милость себе в нем обретохом, аще и во многих зело сих поискахом. Ты же, о любимый, нас при своей любве милосердствуй, и владыку Христа попремногу благодарствуй со своими треми от двою на един произшедшими, яко от единого преславна корени процветшими. Всякому же о себе стыдитися не довлеет, еже у себя потребных кто не имеет, лучи же ко имущим доволство молбу простирати и от них своей скудости потребных на успех просити. Господня убо заповеди нас поучают, о них же зелне прилежаще всяко обогащают. Слово же божественное всегда в тех исполняется, просити благопотребных кто не срамляется. О нем же убо прошении слово простираем, да о том милости просити не престаем, аще убо благодарное моление ныне приношаю, рабское коленное преклонение со усердием предлагаю, прошу, государь, неких животу своему потребных, еже к нашей бедности повсегда зело удобных. Ты же, государь, прошения ныне не презри, разума же нашего грубости не позазри. Услышати молю со усердием к тебе мое моление, шумно да вменится слухом твоим мое дерзновение, которое же тебе, государю, преже благодарение предложу, еже о чем твою безмерную милость получю, да впредь твоим милосердием имам хвалитися, аще будет нам некогда преселитися. Ты же, государь, паче нас веси божественное завещание и стократное благим обещание, за малая убо благодеяния здешних ангельскаго благолепия сподобляется вышних. Право убо поистинне слово правды всегда бывает, аще кто со благодушием истинным на бога уповает, слово же исправляет уст своих пречистых, царство же небесное все дарует благих. Убожество наше сим владыка исправляя, к вашим благодарным щедротам прибегати повелевая, аще убо наше недостоинство намнозе стужает, кое твое благонравие всегда на милость понуждает. Твое убо милосердие к нам истекает выну неоскудно, елико же нашей скудосте и худобе приимати удобно. Божие человеколюбное милосердие за се восприимеши, еже о нашем спасении со усердием промышлявши. Бог тобе, государю моему питателю, мздовоздатель, о всех же благих, еже прияхом от тебе, воздаритель. Готово спасение за се от бога обрящеши и всего, еже требуеши, от него восприимеши, за твое к нам милосердие и нищелюбие великую милость от бога получиши человеколюбие, елико же содетель наш действовати повелевая, сих же ты всех творити не престая. Таково убо твое благое изволение и к нам, бедным, непременное поможение. Таковому ти благосердию много челом бью.

294

Инорога ли тя святости того добродетели уподобим... — Единорог — мифическое животное с рогом во лбу. Согласно Физиологу и Азбуковникам, символизировал силу и целомудрие (ср. также в Библии: Числа XXIII, 22; Второзаконие XXXIII, 17; Иов XXXIX, 9-11); «духовным единорогом» именовался Христос.

Михаил Игнатьевич

Ответ Петру Самсонову

Повеление нам есть от спасителя нашего бога, рече бо: изобилно скудным подавати многа. И нам то всегда памятовати достоит, крепко нас та поистине ко спасению приводит. Аще кто милостивны недры своя держит, заимодавца себе выну бога и милостива творит, аще кто мамоне [295] порабощен некогда бывает, люто

в день судный истязан той будет. Достойно же воздаяние от Христа есть милостивым, аще кто без роптания со усердием творим. Тако же господь своея милости нас богатно не лишит и истязан и страшен глас во ответе будет.

295

...мамоне... — богатству.

Ермолай Азанчеев

Послание Марку Ивановичу

Горняя убо от бога славы выну желаем, О том убо всегда радостное веселие совершаем. Слово любомудренно яко плод зрел возрастает, Правда правых от смерти избавляет. От греха удалятися обычаем бодрым, Да сего ради подобает нам внимати делом добрым. Аще дух разумения требуется тобою тако Рачително, поистинне любы совершити всяко. Юзником, по господню словеси, подобает исправляти суды. Мы ж истинно подщимся пред государем исправляти своя труды, Аще хощем уведети известие, Равно есть то обое безместне. Край главизны богословцы написуют братолюбие, Укращаются всяко греси, идеже пребывает нищелюбие. И что о таковом могу рещи, Всячески по истинне слово изрещи? Аще и честнаго сана земных кому преходити, Не имеяй же любви по бозе горних на высоту чюж восходити. О бозе ли кто содевая имущи, Всякого сана и величества превосходити той сущи. Ничто же от навет лстиваго борца одолеет сего. Человек ли ратовати тех может паче всего? Юнных же, государь, разумы на премудрость преводиши, Еже высотою разумною сверсник своих превосходиши. Радостию приях твое прежнее ко мне начертание, Милость твоя веледарная воздаст ти ся с праведными в воскресение. Обретшу ли кому такова сущи, Любителное желание ко всем имущи? Кое благодарение к богу о вас воздати можем? — Аще и восхощем коснутися, но не возможем. А будет от нас бедной милости не обрящет, Зато никогда нас добро срящет; Аще похотную свою волю всячески отсечем, Но душа наша за то в райския пределы привлечем. Чюж ли кто и лстец истинне, Еже обет свой порушает кому выстинне? Елико во звездах пречестна солнечная красота, В благочестивых же, ей, толика изящная доброта. Что нам паче сего писати твоему благородству? Ей, подобает престати нашему неудобству. Летняя плоды от лета до лета бывают, О добродетелех прилежащей всегда венцы соплетают. Много паки глаголати несть треба. Благий же бог да сподобит тя небеснаго своего хлеба. И с твоими государьскими домочады [296] Еже бы вам достигнути райские ограды. Таже, государь, пребывай во веки здрав и радостен.

296

И с твоими государьскими домочады... — Известно, что М. И. Поздеев был женат, имел детей; одного из сыновей звали Иваном.

Тимофей Акундинов

Декларация Московскому посольству

Пять каменей Давыд имел в пастуше тоболе, коли, не стерпев от неприятель, сердечное боле, шол смело против страшного Галиада [297] израильтянского верне бороняти стада. <...> Галиаду спясю дух и гордости забила. Тако и мы во имя божие имеем с пяти смыслов готовых на неприятеля пять вершей сложоных.

297

...Давыд... шол смело против страшного Галиада... — По библейской легенде, юноша Давид, будущий царь Израиля, убил камнем из пращи филистимлянского исполина Голиафа (1-я книга Царств, XVII, 40-50).

1

Хвала милостивому святому богу! От неприятеля бежав через осмь земель, не приткнули мы о камен свою ногу, а не нарушили здоровья и чести и сана и ныне есте мы под крылами милости турсково Ибрагим султана [298] , дву цесарств и сту царств и двухсот пятидесяти кролевств трех частей света монархи, той может стереть неприятеля и моих карки; его же слава по то ся на земли пусть сладит, поки в небе звезды и месяц светит.

298

...турсково Ибрагим султана... — Ибрагим — султан Оттоманской Порты (1615-1648).

2. На поносителей ответ

О Москва, мати клятвопреступления, много в тебе клопотов и нестроения! И ныне ты, не иставшися, и крови жаждаешь и на своего господина клеветный лук напрязаешь. Хто тебе што милой отчизне здавна послугует, на того твоя ненависть всуе негодует. Тех древних своих княжат уставы отверзаешь, а новых выродков, мнимых князей, приямляешь и их, наскокателей, почитаешь и обогащаешь, а чужими бедами отнюдь ся не наказуешь. Хочешь или льстивое жалованье с их познати, — советую ти и разуму их и любви внимати. Изрини от себе тех митрополитанчиков окаянных, наших в отца нашего государя-царя врахов непостоянных, и послушай Христа и Спаса твоего, а приими мене в дом достояния моего. Я естем мнимый подьячей, а истинный царевич Московский, яко же иногда крал Аполон Тирский [299] . Я естем здесь непознанный князь Шуйский, яко же иногда и Овиан, цесарь Римский [300] . Его свои, ему познавши, на престол зведоша, тако ж и ты, Москва, не презри мене, изнемогоша. А коли будут твои детки поносити нас чем, мы с образца своих родитель на винник хврастия не будем жаловать ни в чем.

299

...крал Аполон Тирский — герой переводной повести, известней русскому читателю по сборнику «Римские деяния». Аполлонию Тирскому пришлось пройти через многие странствия и приключения.

300

...Овиап, цесарь Римский — персонаж из «Римских деяний», усомнившийся в справедливости евангельского изречения: «богатии обнищаша и нищий обогатеша», за что был сурово наказан богом — лишился своего престола и долго странствовал в нищете.

3. На Филарета митрополита [301]

У трех товарыщев был один хлеб заветный: тому из них съесть, кто сон увидит хвалебный. А сами были рознымр обычи товарыщи: один горд, другой лукав, третий вран на нырищи. Но лукавый гордого и враноподобного обманул, их в бучи лукавством потопил и сам в нем утонул. <...> Царствовати ж устроил сына своего митрополитанского. А гордому королевичу польскому [302] царствование Московское яко во сне ся снило, враноподобному ж тушинскому вору [303] на ево безголовье не долго власти было. А все те от Филарета были злых браней дела, хотя Польска благословенной Москвы не овладела. На устье меча народ весь был пояден и от конца до конца земли огнем попален. Почто, Москва, зло все забываешь, а мне, природному своему, повинности не воздаваешь?

301

На Филарета митрополита... — Имеется в виду патриарх Филарет (1619-1633). Акундинов называет Филарета «митрополитом» намеренно, не признавая за ним патриаршего сана, которым он был наречен трижды: в 1606, 1608 и 1619 г.

302

...гордому королевичи польскому... — Имеется в виду сын польского короля Сигизмунда III Владислав (1595-1648). В августе 1610 г. земский собор под давлением боярской думы избрал Владислава на русский престол.

303

...тушинскому вору... — Речь идет о Лжедмитрии II (Матюше Веревкине, или Дмитрии Нагом), который претендовал на московский трон, когда в 1608 г. несколько месяцев стоял с польско-казачьим войском у самых степ Москвы — в Тушине. Отсюда его прозвище — «Тушинский вор». Убит в Калуге 11 декабря 1610 г.

4. На нынешний розряд Московский и митрополитанчиковский

Что ся ныне в нашему веку сотворило, — то много ся злых дел расплодило. Яко едва ж ести и нам у бога милости место, коль тяшко от бояр народу и тесно. Только умножися гордости и кривды, яко ж и отнюдь не знают суда и правды. Древних бо княжат уставы отвергоша и вся древния судебники обругаша, новыя ж своя вся суетне поставляют, и тем бесчисленно народу укривжают. Яко великия рыбы малых поглатают, тако они их и имения их снедают. Еще ж и гради мнози суеумне згубиша, а широкими поместьи и царство обнищиша. Только сами ся изобильно обогатили, военный ж чин ни во что наменили, но хотят те отором и прочим соседством грозны и страшны быти своим богатством, счастие свое в немецких питиях пологающе, гради ж земли своея немцом и поляком раздавающе. И татаром пустошить земли своея не возбраняют, аще от них и безчисленно человек, яко скоту, отгоняют Но еще им же за то выходы дают и дани, чтобы могли от них целы пробыть сами. Москва руце угрызает и оных ненавидит, от них же приношения пенязей не видит. Кто даст, того послушают от всей веры, кто не даст, — затворятся от него двери. Что ж ты в том, Москва, добре оплошилась? Блюдись, чтоб дверь милосердия божия не затворилась.